Kuweyt parlamént ezaliri kuweyt hökümitini Uyghur mesilisige köngül bölüshke chaqirghan

Muxbirimiz irade
2019-12-26
Share

Anadolu agéntliqining 25- dékabir küni tarqatqan xewiridin qarighanda, kuweyt parlaméntining 27 neper parlamént ezasi kuweyt hökümitini xitaydiki Uyghur musulmanliri we hindistandiki musulmanlarning ehwaligha köngül bölüshke chaqirip imzaliq bayanat élan qilghan.

Ular bayanatida özlirining xitay hökümitining ziyankeshlikige uchrawatqan Uyghur musulmanlirigha bolghan héssidashliqini we qollishini ipade qilghan hem shundaqla kuweyt hökümitini Uyghur musulmanlirigha qiliniwatqan ziyankeshlikni toxtitish üchün bu mesilige arilishishqa chaqirghan.

Melum bolushiche, buni ottura-sherq döletlirining siyasetchiliri ari'isdin Uyghur mesili'isde chiqqan tunji naraziliq awazi dep qarashqa bolidiken.

Xitay hökümitining Uyghur élida az dégende 2 milyon etrapida kishini yighiwélish lagérlirigha qamap, ularni rohiy we jismaniy jehettin qiynawatqanliqigha qarshi amérika qatarliq gherb démokratik elliri heriketke ötken bolsimu, biraq hazirghiche birermu islam dölitining yaki "Islam hemkarliq teshkilati" gha oxshash nopuzluq organlarning buninggha qarshi awaz chiqarmighanliqi küchlük tenqidke uchrighan.

Yéqinda dangliq potbul cholpini mes'ut öz'il mana bu mesilini tilgha élip "Muhemmed ümmetini nomussuzluq qilish we zalimlarning zulumigha süküt qilish" bilen eyiblep zor tesir qozghighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet