Lagérdiki ayallarning mejburiy emgekke séliniwatqanliqi ashkarilandi

Muxbirimiz eziz
2018-10-02
Élxet
Pikir
Share
Print

Yéqinda Uyghur diyarining herqaysi nahiye-sheherliride köplep quruluwatqan lagérlar heqqide bezi yéngi melumatlar ashkara bolushqa bashlidi. "Zimistan" torining 30-séntebirdiki xewiride éytilishiche, nöwette lagérlargha qamalghan Uyghur ayalliri qattiq nazaret astida jismaniy emgeklerge sélinmaqta iken.

Xewerde éytilishiche, ghulja shehirining qazanchi milliy qol-hünerwenchilik bazisi bu yil may éyida "Terbiyelesh" lagérigha özgertilgen.

Mezkur bazida 16 yürüsh bina bolup, omumi kölimi 20 ming kwadrat métir kélidiken. Yéqin'ghiche qol-hünerwenchilik mehsulatliri sétilidighan chong merkez bolghan bu jayda hazir 800 din köprek ayal qamaqta bolup, ularning köp qismi 45 yashning astidikiler iken. Ularning hemmisila dégüdek qachan bu lagérlardin chiqip kétidighanliqini bilmeydighan bolup, turmush shara'iti bekmu nachar iken.

Ichki qisimdin igilen'gen ehwalda hazir bu bazigha qamalghan Uyghur ayalliri heqsiz emgekke sélinmaqta iken. Ular asasliqi tikküchilik, keshtichilik we péchine-pirenik pishurush bilen meshghul bolidiken. Shu jaydiki bir kishi bu heqte melumat bérip :"Ayalimni ötken yili 15 künlük öginishke baridu, dep élip ketken. Hazirghiche xewiri yoq. Anglisam ashu jayda qamaqliq iken" dégen.

Toluq bet