«Лакост» мәһсулатлириниң лагерларда ишлиниватқанлиқи алға сүрүлмәктә

Мухбиримиз әзиз
2020-03-03
Елхәт
Пикир
Share
Принт

Уйғурлар дияридики тутқунлар әмгики һәққидә түрлүк мәлуматлар оттуриға чиқиватқанда дуняға даңлиқ маркилардин болған «лакост» (Lacoste) мәһсулатлиридин бир қисим пәләйләрниң лагерларда ишлиниватқанлиқи муназирә қозғиди.

«Вашингтон почтиси» гезитиниң 3-марттики хәвиригә қариғанда, «лакост» маркилиқ пәләйләр уйғурлар дияридики лагерларда тутқунларниң мәҗбурий әмгики арқилиқ вуҗудқа кәлмәктә икән.

Әмма мәзкур ширкәтниң баянатчиси бирләшмә агентлиқниң мухбириға сөз қилип «хитайдики завутларни бир қисим кишиләр екскурсийә қилған болсиму, бундақ әһвални байқимидуқ» дегән. Шундақла өзлириниң һәрқандақ шәкилдики мәҗбурий әмгәкни мәни қилидиғанлиқини билдүргән.

Нөвәттә или вилайитидә ишләнгән бу пәләйләрдин бир қисми явропада сетилған болуп, қалғанлири һазирчә ширкәтниң искилатида сақланмақта икән.

Мәлум болушичә «лакост» ширкити 1933-йили фирансийәдә қурулған болуп, кийим-кечәк, хурум мәһсулатлири, саәт вә әтир дегәндәк мәһсулатларни ишләпчиқириш билән тонулған икән.

Пикирләр (0)
Share
Толуқ бәт