Xitay hökümiti lagérdiki Uyghurlarni "Terbiyelewatqanliqi" ni bildürdi

Muxbirimiz eziz
2018-09-13
Élxet
Pikir
Share
Print

Xitay hökümitining Uyghurlarni basturushi ewjige chiqip, milyonlighan Uyghurning lagérlargha solinishi hemmila yerge melum boluwatqanda xitay emeldarliri 13-séntebir küni yene bir qétim jenwediki b d t binasida bu heqte muxbirlargha söz qilghan hemde bu uchurlarni inkar qilghan.

Roytérs agéntliqining bu heqtiki xewiride éytilishiche, dölet ishliri kabinéti axbarat ishxanisi qarmiqidiki kishilik hoquq bölümining mudiri li shyawjün bu heqte söz qilip: "Biz Uyghurlarni xorlawatqinimiz yoq. Hökümitimizning tesis qilghini kespiy téxnika merkizi yaki ma'arip merkizi. Lagér emes" dégen.

U yene bundaq merkezlerni tesis qilishni eng yaxshi chare dep ketkili bolmisimu, "Islam esebiyliki" ni yoqitishtiki zörüriy wasitilerdin déyishke tamamen bolidighanliqini, gherb dunyasining "Islam esebiyliki" ni mushu yosunda chekleshke qadir bolalmighanliqini tenqidlep: "Bir qisim yawropa döletlirige qaranglar! bélgiyege, parizhgha qaranglar. Ular islam esebiylikini tosushta meghlup bolghan," dégen.

Li shyawjün axirida bu "Terbiyelesh merkezliri" ning Uyghurlarni yaxshiraq hüner öginip yaxshiraq xizmet tépishqa bashlaydighanliqini, bu jaylargha ewetilgenlerning birnechche kün yaki bir-ikki ay öginish qilidighanliqini tekitligen.
Halbuki, b d t ning kishilik hoquq aliy kéngishi we bashqa köpligen hökümet organliri nöwette Uyghurlarning milyonlighan sanda "Terbiyelesh merkizi" dep atiliwatqan lagérlargha qamiliwatqanliqi, bu jayda ularning türmilerdinmu better qiynaqlargha duch kéliwatqanliqini tekitlep kelgen idi.

Toluq bet