"Lacoste" we "Adidas" shirketliri Uyghurlar qul ornida ishlitiliwatqan xitay zawutliridin mal teminleshni toxtatqan

Muxbirimiz irade
2020-07-07
Élxet
Pikir
Share
Print

Xelq'araliq dangliq markilardin bolghan "Lakosté" shirkiti yéqinda Uyghur élidiki mejburiy emgekke chétishliq dep qaralghan teminlesh zenjirliri bolghan barliq alaqisini késidighanliqini jakarlighan.

Uning bu herikiti "Adidas" shirkitidin kéyin bu jehette qolgha keltürülgen yene bir netije hésablinidiken.

"Glossiy" namliq tor gézitining xewer qilishiche, bu yil 3-ayda awstraliye istratégiyelik siyaset tetqiqat orni Uyghurlarning xitaydiki toqulmichiliq sana'itini asas qilghan zawutlarda mejburiy emgekke tutulushi heqqide tepsiliy doklat élan qilghandin kéyin yawropa ittipaqi parlaméntining ezasi rafa'il gluksman bir heriket bashlighan. U bu herikitide xitaydiki mushundaq zawutlardin mal teminlewatqan 83 dangliq kiyim-kéchek markilirigha mektup ewetken we özi biwasite körüshken. Netijide hazirghiche "Lacoste" we "Adidas" shirketliri bu chaqiriqqa awaz qoshup, xitaydiki teminlesh zenjirliri bilen munasiwitini üzidighanliqini bildürgen.

Rafa'il gluksman ijtima'iy taratqudiki hésabi arqiliq bu xosh xewerni élan qilip "Emdiki qedemde Uyghurlarni qul qiliwatqan teminlesh zenjirliridin mal éliwatqan qalghan 81 markini toxtitish üchün birlikte heriket qilayli" dégen. U "Glossiy" tor gézitige qilghan sözide özining hazir bu mesilide "Nike" shirkiti bilen körüshüwatqanliqini, ularning mesile üstide muzakire élip bériwatqanliqini éytqan.

Toluq bet