Lagérlar we tutqunlargha da'ir téximu köp uchurlar ashkara bolmaqta

Muxbirimiz eziz
2020-03-25
Élxet
Pikir
Share
Print

Pütün dunyani tajsiman wirusning wehimisi qaplap ketkende kishilerning yadidin chiqip qéliwatqan Uyghur diyaridiki lagérlargha da'ir bir qisim yéngi uchurlar melum bolup, kishilerni bu mesilige sel qarimasliqqa ündimekte.

"Zimistan" zhurnilining 24-marttiki sanida élan qilin'ghan chang shin imzasidiki maqalida éytilishiche, ular yéqinda mexpiy yollar arqiliq ewetilgen qeshqerdiki lagérlargha da'ir bir qisim süretlerni tapshuruwalghan. Bu lagérlarning etrapigha zich közitish apparatliri we qarawullar orunlashturulghan bolghachqa süretke alghuchi lagérlargha bekmu yéqin baralmighan.

Melum bolushiche, bu lagér süretlirining bir qismi 2019-yili yekende tartilghan bolup, yekendiki yerlik Uyghurlar "Yekende az dégendimu bundaq jaydin 20 si bar" dégen. Shu jaydiki nawaylarning biri bu lagérlarning birige her küni ming dane nan toshulidighanliqini éytip bergen. Shu jaydiki shipaxana aldida bir yashinip qalghan Uyghur u kishige "Mushu yerdiki doxtur ikki yilning aldida ashu mektepke élip kétildi. U da'im namaz üchün meschitke baratti" dégen.

Yekenlik yene bir kishi "Korladin bügürge baridighan yol boyidiki üch türme ötken yillarda kéngeytip quruldi. Ularning biride yataq we zawut bar" dégen. Melum bolushiche, bu türmilerning her bir kamérigha 27 din adem qamalghan iken.

Toluq bet