Amérikidiki rant médiyasi, Uyghurlarning xitay "Yighiwélish lagér" lirida ten jazasigha uchrawatqanliqini xewer qildi

Muxbirimiz erkin
2018-07-13
Élxet
Pikir
Share
Print

Amérikidiki "Rant médiya" namliq axbarat orgini yéqinda maqale élan qilip, minglighan Uyghur musulmanlirining xitay yighiwélish lagérlirida ten jazasigha uchrawatqanliqi, dunyaning bu wehshilikke qarap turmasliqi kéreklikini bildürdi.

"Minglighan musulmanlar xitay yighiwélish lagérlirida ten jazasigha uchrimaqta" serlewhilik bu maqalini rant médiyasining ston yazghuchisi, juliya biswoz qelemge alghan. U maqalide, Uyghurlar duch kéliwatqan bu qabahetke uning qobul qilinmaydighanliqi üchünla emes, uning yene dunyada 2-qétim yüz bériwatqanliqi üchün xatime bérilishi kéreklikini tekitligen.

U maqaliside, Uyghurlarning hazirqi ehwalini medeniyet qirghinchiliqining tipik misali, dep körsitip, "Medeniyet qirghinchiliqning bu tipik misali hazir yüz bériwatqan birdin-bir hadise bolmisimu, lékin u yéterlik diqqet qozghimighan qirghinchiliqlarning biri" dep tekitligen.

Maqalide yene kishilerning jaza lagérlirini we medeniyet qirghinchiliqini oylisa 2‏-dunya urushini xatirileydighanliqi, biraq jem'iyet kishilik hoquq depsendichilikige da'ir kündilik xewerlerni igilep turmisa, hökümetlerning yuqiriqidek qilmishliridin xewersiz qalidighanliqini eskertip, "Xitaydiki musulman yighiwélish lagérliri buning hazirqi tipik misali" ikenlikini tekitligen.

U dunyadiki mutleq köp qisim musulmanlar muqeddes ramizan éyini tebriklewatqan mezgilde xitaydiki musulmanlarning yighiwélish lagérlirida ten jazasigha, yoqitilishqa we haqaretleshke uchrighanliqini ilgiri sürgen.

U maqalida xitayning yighilish lagérlirini qurup, Uyghurlarni qamashtiki meqsiti heqqide toxtilip, "Bu lagérlarning meqsiti ularni islam étiqadidin waz kéchishke, özlirini qimmet qarishini xitay qimmet qarishigha özgertishke mejburlash idi" dégen.

Toluq bet