BBC Agéntliqi lagérda yétip chiqqan bir Uyghurni ziyaret qilghan

Muxbirimiz irade
2018-09-06
Share

En'gliyening BBC xewer agéntliqi 6-séntebir küni Uyghur élidiki lagérlar heqqide xewer tarqatti.

Xewerde BBC agéntliqining muxbiri jon siwiniy Uyghur élidiki lagérda yétip chiqqan we özining ismini "Azad" dep tonushturghan bir Uyghurni ziyaret qilghan bolup, u Uyghur muxbirgha özining lagérda béshidin ötkenlerni süretlep bergen.

U lagérlardiki Uyghurlarning éghir derijidiki ménge yuyush herikitige duch kéliwatqanliqini, özi yatqan jaydiki mingdin oshuq kishining her küni toxtimay "Shi jinping idiyesi" ni yadlash, herxil qanun-tüzümlerni yadlash, tamaq yéyishtin burun partiyege, shi jinpinggha rehmet éytish dégendek rohiy qiynaqlargha duchar boluwatqanliqini éytqan.

Umu xuddi ilgiri lagérlar heqqide guwahliq bergen qazaqistanliq ömürbekke oxshashla lagérlarda qéyin-qistaq barliqini tilgha alghan.

Azad isimlik kishi yene özi yatqan lagérda ilgiri özi tonushidighan kishiler barliqini, emma ularning özgirip xuddi mashina weqesidin kéyin ésini yoqatqan kishilerge oxshap qalghanliqini, özimu éghir rohiy bésimgha uchrighanliqtin hazirghiche kéchiliri qara bésip kétidighanliqini éytip bergen.

BBC Ning bu heqtiki xewiride birleshken döletler teshkilati küchlük pakitlargha asasen bir milyondin oshuq Uyghur we bashqa musulman milletler lagérda yétiwatqanliqini otturigha qoyghanliqi, emma xitay hökümitining buni ret qilip kelgenlikini bayan qilghan we bu heqte gérmaniyelik tetqiqatchi adriyan zénz hem amérikiliq tarixchi rayn samlarni ziyaret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.