B d t insan heqliri komitéti xitayni lagérlar mesiliside eyiblidi

Muxbirimiz eziz
2018-10-02
Élxet
Pikir
Share
Print

B d t qarmiqidiki insan heqliri aliy komitétining yéngi re'isi mishél bachélét 1-öktebir küni échilghan b d t insan heqliri kéngishining 39-nöwetlik yighinida xitay hökümitining Uyghurlarni zor kölemde tutqun qilishi we lagérlargha soliwélishini qattiq eyiblidi.

U yighinning échilish murasimida qilghan sözide "Irqiy ayrimichiliqni tügitish komitéti"ning xitay heqqidiki doklatida we munasiwetlik uchurlarda tilgha élin'ghan pakitlargha asasen Uyghurlarni qanunsiz halda kolléktip tutqun qilish qilmishining xitayning qanunigha we xelq'araliq ehdinamilerge xilap ikenlikini tekitligen. Shundaqla "Terbiyelesh" namidiki bu mu'essesilerning pütünley insan heqlirige zit shekilde otturigha chiqqanliqini otturigha qoyghan.

Shuning bilen birge bachélét xanim insan heqliri mutexessisliridin teshkillen'gen musteqil tekshürüsh guruppisining xitaygha bérip alaqidar mesililerni tekshürüp körüshige ruxset qilishni telep qilghan.

Melum bolushiche, bu lagérlar mesilisining b d t ning yuqiri derijilik yighinida yene bir qétim tilgha élinishi bolup, xelq'araning bu mesilige jiddiy mu'amile qilishigha türtke bolushi mölcherlenmekte iken.

Toluq bet