Bezi jaylarda lagérgha élip kétilgenlerning banka qerzi a'ile ezalirining zimmisige artip qoyulghan

Muxbirimiz shöhret hoshur
2018-09-05
Élxet
Pikir
Share
Print

Uyghur rayonigha qarita élip barghan téléfon ziyaretlirimiz dawamida bezi jaylarda yighiwélish lagérigha élip kétilgenlerning banka qerzining ularning lagér sirtidiki a'ile ezalirining zimmisige artip qoyulghanliqi ashkarilandi.

Toqsu nahiyesining yultuzbagh yézisidiki bir amanet qerz kopiratipining amanliq mudiri lagérlar sewebidin mezkur kopiratipning bérilgen qerzlerni waqtida yighiwalalmighanliqi, buning kopiratipqa belgilik ziyan élip kelgenliki, shunga qerzni lagérdikilerning tölesh mumkinchiliki bolghan lagér sirttiki uruq-tughqanlirigha tölitiwatqanliqini bayan qildi.

Kériye nahiye yéngibagh yéziliq amanet qerz kopiratipining amanliq mudirimu öz tewelikide lagérgha élip kétilgenlerdin 242 kishining qerz mudditining keynige kéchiktürülgenliki we ösümining töwenlitilgenlikidin bashqa, qerzni ularning lagér sirtidiki biwasite a'ile ezalirining zimmisige yüklen'genlikini bayan qildi.

Bu uchur bezi yerlik da'irilerning atalmish "Terbiyelesh merkizi" dikilerning a'ile-tawabi'atlirigha yaxshi qarawatqanliqi heqqidiki teshwiqatlirini inkar qilsa, yene bir jehettin xitay da'irilirining bu lagérlarni pat yéqinda taqash niyitining yoqluqidin bésharet bermekte.

Toluq bet