Xitay siyasiy kéngesh re'isi wang yang Uyghur rayonidiki lagérlarning aldirap taqalmaydighanliqidin bésharet berdi

Muxbirimiz shöhret hoshur
2019-03-26
Élxet
Pikir
Share
Print

20-Marttin 25-martqa qeder Uyghur rayonida tekshürüsh élip barghan xitay memliketlik siyasiy kéngeshning re'isi wang yang, bir yérim milyondin artuq insan yighiwélish lagérida solinip yatqan Uyghur rayoni weziyitini "Muqim we tinch" dep medhiyeligen we rayonda atalmish "3 Xil küch" lerge qarita élip bériliwatqan basturush siyasetlirining dawamlishishini teshebbus qilghan.

Roytérs agéntliqi qatarliq xelq'ara axbarat wasitilirining xewerliride déyilishiche wang yang tekshürüsh dawamida Uyghurlar zich olturaqlashqan qeshqer we tumshuq sheherlirini közdin kechürgen.

Qeshqer we tumshuqni biterep köz bilen közetken herqandaq bir tekshürgüchining bu sheherlerde weyran bolghan a'ililer, yétim qalghan balilar we toxtap qalghan ish-tijaretni bayqiyalaydighanliqini ilgiri sürgen dunya Uyghur qurultiyi bayanatchisi dilshat rishit: "Wang yangning meqsiti rayondiki ré'alliqini körüsh yaki uni tüzitish emes, belki merkizi hökümetning buyruqlirini ijra qiliwatqan aptonom rayondiki her derijilik emeldar we saqchi küchlirige jasaret bérish" dédi.

Uyghur aptonom rayonining re'isi shöhret zakir aldinqi hepte béyjingda qilghan sözide atalmish terbiyelesh merkezlirining jem'iyetning éhtiyajigha qarap asta-asta taqilidighanliqini bayan qilghan idi. Közetküchiler wang yangning ziyaret jeryanida qilghan sözlirini Uyghur rayonidiki yighiwélish lagérlirining aldirap taqalmaydighanliqidin bir bésharet dep qarashmaqta.

Toluq bet