Америка таможниси уйғур дияридики лагерларға четишлиқ чач мәһсулатлирини мусадирә қилди

Мухбиримиз әзиз
2020-07-03
Елхәт
Пикир
Share
Принт

Америка һөкүмәт тармақлири уйғур дияридики мәҗбурий әмгәккә четишлиқ мәһсулатларниң америка базириға киришини чәкләш һәққидә тәвсийинамә елан қилған күни, йәни 1-июл күни ню-йорк штатлиқ таможна вә чегра муһапизәт идариси хитайдин кәлгән 13 тоннилиқ чач мәһсулатлирини мусадирә қилди.

«Җәнубий хитай сәһири гезити» ниң 2-июлдики хәвиридә ейтилишичә, бу қетим мусадирә қилинған чач мәһсулатлириниң омумии қиммити 800 миң америка доллири болуп, униң ‍ичидә ялған чач зор салмақни игиләйдикән. Буларниң мәһсулат чүшәндүрүшидә «хотән лоп наһийәсидики мейшин чач мәһсулатлири ширкити ишлиди» дейилгәникән.

Нөвәттә уйғурлар дияридики лагер мәһбуслириниң чачлири кесилип, чач мәһсулатлири завутлириниң тәйяр хам әшяси болуватқанлиқи һәққидә көплигән мәлуматлар оттуриға чиқмақтикән. Америкадики уйғур паалийәтчи рошән аббас мәзкур гезиткә сөз қилип «заманиви қуллуқ һазирму ашу лагерларда давам қиливатиду. Шуңа америкадики ялғач чач сетивалғучиларни бу чачларниң кимләрниң бешидин кесивелинғанлиқини ойлишип беқишқа чақиримән» дегән.

BBC Агентлиқиниң 2-июлдики хәвиридә ейтилишичә, америка таможна вә чегра муһапизәт идарисиниң хадими бренда симис ханим бу һәқтә сөз қилип «бу мәһсулатлар кишилик һоқуқ дәпсәндичиликигә четишлиқ болғанлиқи үчүн мусадирә қилинди» дегән.

Пикирләр (0)
Share
Толуқ бәт