Amérika tamozhnisi Uyghur diyaridiki lagérlargha chétishliq chach mehsulatlirini musadire qildi

Muxbirimiz eziz
2020-07-03
Élxet
Pikir
Share
Print

Amérika hökümet tarmaqliri Uyghur diyaridiki mejburiy emgekke chétishliq mehsulatlarning amérika bazirigha kirishini cheklesh heqqide tewsiyiname élan qilghan küni, yeni 1-iyul küni nyu-york shtatliq tamozhna we chégra muhapizet idarisi xitaydin kelgen 13 tonniliq chach mehsulatlirini musadire qildi.

"Jenubiy xitay sehiri géziti" ning 2-iyuldiki xewiride éytilishiche, bu qétim musadire qilin'ghan chach mehsulatlirining omumi'i qimmiti 800 ming amérika dolliri bolup, uning ‍ichide yalghan chach zor salmaqni igileydiken. Bularning mehsulat chüshendürüshide "Xoten lop nahiyesidiki méyshin chach mehsulatliri shirkiti ishlidi" déyilgeniken.

Nöwette Uyghurlar diyaridiki lagér mehbuslirining chachliri késilip, chach mehsulatliri zawutlirining teyyar xam eshyasi boluwatqanliqi heqqide köpligen melumatlar otturigha chiqmaqtiken. Amérikadiki Uyghur pa'aliyetchi roshen abbas mezkur gézitke söz qilip "Zamaniwi qulluq hazirmu ashu lagérlarda dawam qiliwatidu. Shunga amérikadiki yalghach chach sétiwalghuchilarni bu chachlarning kimlerning béshidin késiwélin'ghanliqini oyliship béqishqa chaqirimen" dégen.

BBC Agéntliqining 2-iyuldiki xewiride éytilishiche, amérika tamozhna we chégra muhapizet idarisining xadimi brénda simis xanim bu heqte söz qilip "Bu mehsulatlar kishilik hoquq depsendichilikige chétishliq bolghanliqi üchün musadire qilindi" dégen.

Toluq bet