Xitay "Térrorluq" qa qarshi lazirliq qoral ishlitidiken

Muxbirimiz erkin
2017-10-13
Élxet
Pikir
Share
Print

Xitay axbarat wasitilirining ashkarilishiche, xitay amanliq küchliri buningdin kéyin "Térrorluq" qa arshi turush heriketliride lazirliq qoral ishlitidiken. Da'iriler yéqinda bu xil lazirliq qoralni xitayning xénen ölkiside ötküzülgen bir qétimlqi térrorluqqa qarshi turush maniwérida körgezmige qoyghan.

"Iqtisad waqti" namliq békitining 13‏-öktebir küni "Yer shari waqit géziti" din neqil keltürüp xewer qilishiche, mezkur lazirliq qoralni xitay alem boshluqi pen-téxnika we sana'et shirkitige qarashliq bir karxana yasap chiqqan. Xewerde bu qoralning bir sékunt ichide 200 métir yiraqliqtiki nishanni yoqitalaydighanliqi, uning térrorluqqa qarshi turush heriketliride ishlitilidighanliqini bildürgen.

Xewerde yene xitayning "'sherqiy türkistan islam herikiti' bölgünchilirini shinjangning ichi we sirtida nurghun zorawanliq hujumlarni élip bardi," dep eyiblewatqanliqini tekitligen. Lékin kishilik hoquq teshkilatlirining bildürüshiche, xitay hökümiti Uyghurlarning tinch, qanunluq teleplirini "Térrorluq" qa baghlap, ularni uchquchisiz ayropilan qatarliq yuqiri téxnikiliq herbiy qorallar bilen basturup kelgen.

Amérika dölet ishlar ministirliqining bu yil 6‏-ayda élan qilghan xelq'ara térrorluq doklatida, xitayning Uyghur aptonom rayonidiki térrorluqqa qarshi turush herikitining nishani tinch öktichilerge yaki térrorchilargha qaritilghanliqining éniq emesliki qeyt qilin'ghan idi.

"Iqtisad waqti" torining xewiride körsitishiche, mezkur lazirliq qoral qarigha élish, tézgineklik tok qachilash, lazér nuri qoyup bérish qatarliq bir qanche parchidin teshkil tapqan. Mezkur qoralni layiheleshke qatnashqan inzhénirlardin yen ajé "Yer shari waqit géziti" ge bergen uchurida bu qoralni ishletkende uningdin awaz yaki nur chiqmaydighanliqi, uning ishlitishke eplik hem téz ikenlikini bildürgen. Lékin xewerde bu qoralning xitay amanliq küchlirige qachandin bashlap seplep bérilidighanliqi tilgha élinmighan.

Toluq bet