Li kéchyang xitay iqtisadidiki chüshüshning éghir bésimini étirap qilghan

Muxbirimiz shöhret hoshur
2015-01-21
Share

Shiwétsariyede échilghan dunya iqtisadi muhakime yighinigha qatnashqan xitay bash ministiri li kéchyang, tünügün "Junggo iqtisadiy weziyitidiki özgirishning dunyawi tesirliri" dégen témida söz qilghan.

U sözide xitay iqtisadidiki chüshüshning xitay jem'iyitige bolghan éghir bésimini étirap qilghan. B b s ning bügünki bu heqtiki xewiride bayan qilinishiche, li kéchyang sözide xitayning islahatni yenimu chongqurlashturidighanliqi, chongqur qatlamlardiki we iqtisadiy qurulmidiki mesililerni hel qilidighanliqi heqqide wede bergen we dunya siyasiy we soda sahesining rehberlirini xitay iqtisadigha ishinishke chaqirghan.

U sözide bashtin axir soda-sana'etchilerning xitay iqtisadigha qarita endishisini peseytishke tirishqan. Melum bolushiche xitay dölet re'isi shi jinping ötken yili qilghan bir sözide xitay iqtisadining yuqiri sür'etlik örleshtin, ottura yuqiri sür'etlik örleshke yüzlen'genlikini we iqtisadiy qurulmining ilgharlishish basquchida ikenlikini bayan qilghan, xitayning ikki dölet rehbirining sözliridiki bu perq weziyet közetküchilirining diqqitini tartti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet