Хитай баш министири ли кечияң уйғур елидә милләтләр иттипақлиқи вә мәңгүлүк әминликни бәрпа қилишни тәкитлигән


2016-03-10
Share

Хитай баш министири ле кечияң пәйшәнбә күни бейҗиңдики икки йиғин җәрянида сөз қилип, уйғур аптоном районида барчә күчни милләтләр иттипақлиқи вә мәңгүлүк әминлик бәрпа қилишқа қаритишни тәкитлигән.

Шинхуа агентлиқиниң хәвиридин қариғанда, у бу сөзни уйғур аптоном районидин кәлгән вәкилләрниң гуруппа йиғиниға қатнашқанда қилған. У сөзидә, иқтисадий тәрәққиятниң муқимлиқ яритишта муһим рол ойнайдиғанлиқини, шуңа уйғур аптоном райониниң санаәт, йеза игилик, тоқумичилиқ вә саяһәтчилик ишлирини раваҗландуруш үчүн йәниму көп мәбләғ аҗритидиғанлиқини билдүргән.

Хитай һөкүмити 2009-йилидики үрүмчи вәқәсидин кейин давамлиқ һалда “һалқима тәрәққият арқилиқ муқимлиқ яритиш” дегәнни тәшвиқ қилип, районға зор иқтисадий мәбләғләрни салди. Бирақ хәлқарадики кишилик һоқуқ органлири уйғур елидә муқимсизлиққа сәвәб болуватқан амилниң иқтисадтин бәк, уйғурларниң миллий вә дини һоқуқлириға қилиниватқан бесим, қош тил маарипи вә хитай көчмәнләр мәсилиси икәнликини әскәртип, хитай һөкүмитини бу җәһәттики сиясәтлирини тәңшәшкә чақирип кәлгән иди.

Бирақ ли кечияң сөзидә юқиридики мәсилиләрниң бириниму тилға алмай, униң орниға “милләтләрниң иттипақлиқи вә уюшушини” “узун муддәтлик әминлик вә муқимлиқниң җан томури”, дәп көрсәткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт