Dangliq fotograf lü gu'ang resmiy qolgha élin'ghan

Muxbirimiz sada
2018-12-12
Share

Aldinqi ayda ürümchidiki fotograflar yighinigha qatnishish üchün Uyghur diyarigha barghan dangliq xitay fotograf lü gu'ang yerlik saqchi da'iriliri teripidin resmiy qolgha élin'ghan.

Firansiye xewer agéntliqining 12-dékabirdiki xewiride éytilishiche, mezkur uchurni lü gu'angning nyu-yorktiki ayali shü shyawli tiwittér arqiliq tarqatqan bolup, qeshqerdiki saqchi da'iriliri yoldishining resmiy tutulghanliqini uninggha bildürgen. Halbuki, uning tutulushigha konkrét qandaq bir jinayetning seweb bolghanliqi tilgha élinmighan.

Shü shyawlining déyishiche, u hazirgha qeder yoldishining qolgha élin'ghanliqigha da'ir sotning yaki bashqa saqchi organlirining uqturushini tapshurup almighan. U mundaq dégen: "Biz nöwette adwokatqa yoldishimning délosini ishligen xadim bilen alaqe qilishni hawale qiliwatimiz."

Xewerde déyilishiche, lü gu'ang nyu-yorkta yashaydighan bolup, burun bir nechche qétim Uyghur diyarini sayahetchi süpitide ziyaret qilghan we yerlik fotograflar bilen alaqe qilghan. U dangliq fotograf bolup, uning foto eserliri üch qétim dunyawi musabiqilerde birinchi derijilik mukapatqa érishken. U asasliqi muhit we ijtima'iy témilardiki süretlerni tartish bilen nam chiqarghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet