Nobél tinchliq mukapatining sahibi lyu shawbo türme sirtida dawalinishqa qoyup bérilgen

Muxbirimiz qutlan
2017.06.26
Share on WhatsApp
Share on WhatsApp

Bügün dunyadiki chong -kichik taratqularning hemmisi xewer bérip, türmidiki xitay öktichisi, nobél tinchliq mukapatining sahibi lyu shyawboning késellik sewebidin türme sirtida dawalinishqa qoyup bérilgenlikini bildürgen.

“Jenubiy junggo etigenlik pochta géziti” ning xewer qilishiche, lyu shyawbogha “Jiger rakining axirqi basquchi” dégen di'agnoz qoyulghan iken.

Lyu shyawboning adwokatining chet'el muxbirlirigha ashkarilishiche, lyu shyawbo hazir shényangdiki junggo méditsina uniwérsitétining shöbe doxturxanisida dawalanmaqtiken. Halbuki, uning axirqi basquchqa kélip qalghan rak késilining dawalinish jeryanida zadi qanchilik ünüm béridighanliqi éniq emesken.

Xitay öktichi lyu shyawbo “2008 Xitabnamisi” ni yazghanliqi üchün 2009-yili 12-ayda xitay soti teripidin “Dölet hakimiyitini aghdurushqa urunush jinayiti” bilen eyiblinip 11 yilliq qamaqqa höküm qilin'ghan idi.

Halbuki, Uyghur ziyaliysi ilham toxti xitay hökümitini özi tüzgen “Aptonomiye qanuni” diki belgilimiler boyiche Uyghur xelqining qanuniy heq-hoquqlirini kapaletke ige qilishqa ündigenliki üchün 2014-yili xitay soti uni “Döletni parchilash jinayiti” bilen eyiblep, muddetsiz qamaq jazasigha höküm qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.