Xitayning rabiye qadirdin sawaq élip lyu shawboni qoyup bermeywatqanliqi ilgiri sürülmekte

Muxbirimiz shöhret hoshur
2017.07.12
Share on WhatsApp
Share on WhatsApp

Xelq'ara xewerlerdin melum bolushiche, nobél sahibi lyu shawboning késili künséri éghirlashmaqta.

Xelq'ara jama'et pikrining bésimi bilen xitay terep amérika we gérmaniyelik mutexessislerning lyu shawboning salametlik ehwalini tekshürüshige yol qoyghan bolsimu, uning késilining bekla éghirliqi we chet'elge yötkigüchiliki yoqluqini ilgiri sürmekte. Mutexessisler bolsa lyu shawboning ehwalining éghirliqini, emma yene dawamliq dawalap körüshning zörürlükini bayan qilghan.

Gu'ardiyan gézitining bügünki bu heqtiki xewiride déyilishiche, xelq'ara kechürüm teshkilati qatarliq teshkilatlar xitayni lyu shawboning chet'elde dawalinishigha yol qoyushqa dawamliq türde chaqiriq qilmaqta.

Xewerlerde, lyu shawboning chet'elde dawalinishigha yol qoyulmasliqta xitayning siyasiy endishilirining muhim rol oynawatqanliqi we buninggha xitayning rabiye qadir xanim tejribisining seweb bolghanliqi ilgiri sürülmekte.

Xitayning yer shari waqti géziti, 6-ayning 28-künidiki maqaliside Uyghur milliy herikiti rehbiri rabiye qadir xanimning namini ashkara tilgha élip mundaq dégen: “Junggoda mehbuslarni chet'elge dawalinishqa qoyup béridighan ish burunmu bolghan, mesilen, rabiye qadir, emma u chet'elge chiqqanda burun bergen siyasiy pa'aliyetlerge arilashmasliq, junggoning dölet bixeterlikige tesir yetküzmeslik heqqidiki wedisini buzghan.”

Xitay da'irilirining zuwani hésablan'ghan yershari waqti gézitidiki mezkur maqalide yene “Eger lyu shawbomu rabiye qadir qilghanni qilsa, gherbte téximu köp bazar tapidu” déyilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.