Хитай бихәтәрлик министирлиқи муавин башлиқи ма җйәнниң тутқун қилиниши диққәт қозғиди
12 - январ күнидики хәлқара мәтбуатларда хитай дөләт бихәтәрлик министирлиқиниң муавин министири ма җәнниң “хизмитидин елип ташлинип, қанун орунлириниң тәкшүрүшигә йолланғанлиқи” һәққидики хәвәр вә анализлар көпәйди.
Бу хәвәр чәтәлләрдә чиқидиған “минҗиң почта гезити”дә 9 - январ җүмә күни дәсләп ашкариланған. Хәвәрдин мәлум болушичә, хитай дөләт бихәтәрлик министирлиқиниң муавин башлиқи ма җйән 8 - январ күни хизмитидин елип ташланған вә қанун органлириниң тәкшүрүп бир тәрәп қилишиға тапшурулған.
Әнгилийә б б с агентлиқиниң бу һәқтики хәвәр анализида “ әгәр хитай җасуслирини башқуридиған вә җасуслуқ һәрикәтлиригә қарши туруш хизмитини башқуридиған дөләт бихәтәрлик идарисиниң муавин министири ма җйәнниң хизмитидин қалдурулуп, тәкшүрүшкә йолланғанлиқи дәлилләнсә, у һалда ма җйән хитай сияси - қанун комитетиниң сабиқ башлиқи җу юңкаңдин кейин, хитай дөләт бихәтәрлик сестимисида әмилидин қалдурулған йәнә бир әң юқири дәриҗилик әмәлдар болуп қалиду” дейилди. Хоңкуңда чиқидиған “җәнубий хитай гезити”ниң 12 - январдики санида “ма җйәнниң хизмитидин елип ташлинип қолға елинғанлиқи вә униң бирқанчә йеқинлириниңму 9 - январ күни мәркизи интизам тәкшүрүш комитетиниң адәмлири тәрипидин елип кетилгәнлики хәвәр қилинди.
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Д у қ пүтүн дунядики уйғурларни “5-июл үрүмчи қирғинчилиқи” ниң 13 йиллиқини хатириләшкә чақирди
