Ma shingruyning Uyghur diyaridiki kömür kan ishlepchiqirishigha a'it körsetmisi diqqet qozghidi

Muxbirimiz eziz
2022-01-05
Share

Uyghur aptonom rayonluq partkomning sékrétari ma shingruy 2022-yilidiki tunji xizmet küni bolghan 4-yanwarda sherqiy jungghar iqtisadiy tereqqiyat rayonigha bérip “Shi jinpingning shinjang xizmiti heqqidiki muhim sözining rohini ijra qilish hemde kömür-ximiye sana'itini pilanliq rawajlandurush” heqqide yolyoruq bergen.

Xitay hökümiti bashqurushidiki “Tengritagh tori” ning 4-yanwardiki xewiride éytilishiche, ma shingruy bu qétimqi xizmet tekshürüshide kömür qézish, kömürni énérgiyege aylandurup ichkirige yötkesh, shundaqla “Shinjangning tokini sirtqa yötkesh qurulushi” ni téximu zor derijide kücheytish heqqide körsetme bergen.

Xewerde éytilishiche, sherqiy jungghar kömürlüki xitaydiki töt chong kömür bazisining biri bolup, xitay iqtisadi üchün bekmu muhim ehmiyetke ige iken. Halbuki yillardin buyan Uyghur diyaridin qéziliwatqan kömürlerning birqismi biwasite ichkirige toshup kétilgen bolsa, yene zor bir qismi shu jayda köydürülüp kömür gazigha aylandurulghandin kéyin ichkirige yötkep kétilgenidi. Bu xildiki ‍énérgiye qézish Uyghur diyarining muhitini éghir derijide bulghap kelgen bolsa, yene bir yaqtin Uyghur diyaridiki minglighan onminglighan namrat Uyghur déhqanlirining qishliq issinish üchün kömür élishqa qurbi yetmey zimistanda qiyniliwatqanliqi yillardin buyan hemmige melumluq pakitlardin bolup kelgenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet