Ма шиңруй сиясий аңни күчәйтишни алаһидә тәкитлиди

Мухбиримиз әзиз
2022-03-08
Share

“хитай хәвәрлири тори” ниң 8-марттики хәвиридә ейтилишичә, бейҗиңда “икки йиғин” ға қатнишиватқан “шинҗаң вәкилләр өмики” хитай рәиси ши җинпиңниң “мәмликәтлик сиясий кеңәшниң 13-нөвәтлик 5-омумий йиғини” ға кәлгән вәкилләргә сөзлигән сөзиниң роһини өгиниш темисида йиғин ачқан.

Бу қетимқи йиғинда уйғур аптоном районлуқ парткомниң секретари ма шиңруй айрим сөз қилип, “җуңхуа миллитиниң улуғ гүллинишигә болған йүксәк ишәнчи” ни ипадиләп, сиясий һөкүм қилиш иқтидарини, сиясий аңни, сиясий вәзипиләрни иҗра қилиш иқтидарини ашурушни алаһидә тәкитлигән. Шуниңдәк “баш секретар ши җинпиңнииң рәһбәрликидә алға илгириләш йолидики һәрқандақ тосқунлуқни толуқ сүпүрүп ташлаш” керәкликини билдүргән.

Ма шиңруй сөзидә “дөләтниң улуғ сиясити” ни баш нишан қилған һалда уйғур дияриниң йеза игилик ишләпчиқиришини раваҗландуруш, шуниңдәк ашлиқ ишләпчиқиришниң бихәтәрликигә алаһидә диққәт қилишни оттуриға қойған.

Мәлум болушичә, хитай һөкүмити ‍уйғур диярини әң чоң “енергийә амбири” қиливалғандин башқа өткән бирнәччә йилдин башлап хитайниң әң чоң бақмичилиқ базиси қилишқа йүзләнгәнлики көп тәрәплимә учурлардин мәлум болғаниди. Әмдиликтә уларниң “ашлиқ ишләпчиқириши” билән “сиясий аңни өстүрүш” ни бир гәвдиләштүрүшини бәзиләр хитай һөкүмитиниң уйғур диярини техиму чоң ашлиқ ишләпчиқириш базиси қилмақчи болуватқанлиқидин бешарәт, дәп қаримақтикән. Буниңдин илгирирәк болса хитай һөкүмитиниң алтай тағлиридин тарим вадисиға су йөткәйдиған ғайәт зор қурулушни башлиғанлиқи һәққидә хәвәрләр оттуриға чиққаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт