Ma shingruy Uyghur rayonida “Shinjang teshwiqati idiyesi” shekillendürüshni otturigha qoyghan

Muxbirimiz irade
2022-05-19
Share

Uyghur aptonom rayonluq partkomning sékritari ma shingruy Uyghur élida siyasiy teshwiqat we idiyewi xizmetning yéngi dewrini échish heqqide söz qilghan.

U Uyghur rayonining “Muqimliqi” we “Ebediy eminliki” ni saqlash üchün mexsus “Shinjang teshwiqati idiyesi” shekillendurushni tekitligen bolup, Uyghur rayonidiki teshwiqat apparatlirining mushu idiyeni qoral qilip, xizmet qilishi kéreklikini bildürgen.

U xitay kompartiyesining “Organ we partiye qurulushi tetqiqati” sehipiside élan qilghan maqaliside mundaq dégen:

“Biz asasiy éqimdiki idiye we jama'et pikirini téximu küchlük teshwiq qilishimiz kérek. Asasiy témini aktipliq bilen ilgiri sürüp, téma teshwiqati, weziyet teshwiqati, siyaset teshwiqati, muweppeqiyet teshwiqati we tipik teshwiqatlarni qanat yaydurushimiz kérek. Intérnétni toshughuchi süpitide yaxshi ishlitip, aptonom rayondiki muhim xewer tor béketlirining qurulushini kücheytip, intérnétni teshwiqatning muhim toshughuchisigha aylandurushimiz kérek.”

U Uyghur élidiki axbarat we tor uchur sahesini gherb axbarati bilen kuch sinishishqa terghip qilghan bulup, “Rayonda barliqqa kelgen zor tereqqiyatlarni, xelqning bextiyar turmushini, partiye we hökümetning yaxshi siyasetlirini köplep teshwiq qilish kérek,” dégen.

Uyghur dptonom rayonluq partkomning sékritari ma shingruy yéqindin buyan hedep xitay re'isi shi jinpingning körsetmisi boyiche ish qilish, “Jungxu'a arzusi” ni emelge ashurush, “Chong pilanni ishqa ashurush” dégendek mezmunlarda söz qilip, özining Uyghur élida yolgha qoyuluwatqan irqiy qirghinchiliq we insaniyetke qarshi jinayetlirini yenimu qattiq dawamlashturidighanliqining ségnalini bérip kelmekte.

Ma shingruy bu maqaliside yene atalmish “‛jungxu'a milliti ortaq gewdisi éngi‚ ni shekillendürüsh, toghra bolghan dölet qarishi, tarix qarishi, millet qarishini turghuzush, jungxu'a medeniyiti éngini shekillendürüsh” heqqide söz qilghan. Uning atalmish “Jungxu'a milliti ortaq gewdisi” sho'arini qayta tekitlep, xitayda bir dölet, bir millet we bir medeniyet barpa qilish chaqiriqini tilgha élishi, közetküchilerning küchlük diqqitini qozghimaqta.

Doktor erkin ekrem radiyomizgha qilgha sözide ma shingruyning bu sözliri bir yaqtin uningmu chén chüen'godin perqsiz bir xitay emeldari ikenlikini ipadilise, yene bir yaqtin uning kéyinki nöwetlik partiye qurultiyida xitay kompartiyesi siyasiy byurosining da'imiy azaliqigha kirishtek siyasiy gherizini namayen qilip béridu, dégen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet