Ма шиңрүйниң су қурулушини күчәйтиш һәққидики сөзлири диққәт қозғиди

Мухбиримиз әзиз
2022.05.24
Share on WhatsApp
Share on WhatsApp

Уйғур аптоном районлуқ парткомниң секретари ма шиңрүй йеқинда өзиниң хизмәткә чүшкәндин буянқи “тәкшүрүш” паалийәтлириниң бир қисми сүпитидә ақсу вә қизилсу вилайәтлиридә тарим дәрясиниң су ишлириға даир хизмәтләрни көздин кәчүргән һәмдә “баш секретар ши җинпиңниң су ишлири һәққидики йолйоруқлирини толуқ изчиллаштуруп, шинҗаң һәққидики сөзлириниң роһини әмәлдә көрситиш” ни тәләп қилған. Шуниңдәк су байлиқидин үнүмлүк пайдилинип юқири сүпәтлик тәрәққиятқа кепиллик қилишни тәкитлигән.

Хитай һөкүмити башқурушидики “тәңритағ” ториниң 24-майдики хәвиридә ейтилишичә, бу қетимқи тәкшүрүш җәрянида ма шиңрүй уйғур дияридики су байлиқиниң барлиқ тәрәққиятларниң ачқучи икәнликини, буниң муһит қурулуши вә йеза игиликиниң алдинқи шәрти икәнликини алаһидә тәкитлигән.

Мәлум болушичә, йеқинқи йиллардин буян хитай һөкүмити уйғур диярини хитайниң әң чоң ишләпчиқириш базисиға айландуруватқан болуп, шу қатарда бу җайниң хитай үчүн “енергийә амбири” болуштин башқа йәнә “ашлиқ амбири” болуш ролиму барғансери гәвдиләнмәктикән. Нөвәттә вирус вабаси вә ғәрб дунясиниң иқтисадий җазалиридин иқтисадий җәһәттә сәлбий ақивәтләргә дуч келиватқан хитай һөкүмити уйғур диярини ашлиқ ишләпчиқириштики йеңи база қилиш арқилиқ бу җәһәттики өткәлдин өтүп кетишкә урунмақта, дәп қаралмақта. Мушу әһвалға асасән ма шиңрүйниң бу қетимқи сөзлири әнә шу хил чоң вәзийәтниң инкаси икәнлики алға сүрүлмәктикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.