Ma shingrüy, edebiyat-sen'et we ijtima'iy pen tetqiqatini “Jungxu'a milliti ortaq éngi” ni shekillendürüshke qaritishqa chaqirghan

Muxbirimiz erkin
2022.05.27
Share on WhatsApp
Share on WhatsApp

Xitayning Uyghur diyaridiki eng hoquqluq emeldari ma shingruy 26-may küni Uyghur aptonom rayonining edebiyat-sen'et, ijtima'iy pen tetqiqat sahesige söz qilip, edebiyat-sen'et we ijtima'iy pen tetqiqat sahesining “Zor we jiddiy mesililer” ni tetqiq qilish we hel qilishta dewrning chaqiriqigha awaz qoshushini telep qilghan. Uning éytishiche, rayondiki edebiyat-sen'et, ijtima'iy pen tetqiqat sahesi tetqiqat nishanini “Jungxu'a milliti ortaq éngini shekillendürüshke ‍oxshash zor témilargha merkezleshtürüp, téximu köp salmiqi hem qimmiti bar tetqiqat netijilirini yaritishi kérek” iken.

Bu ma shingrüyning ötken yili Uyghur aptonom rayonluq partkom sékrétarliqigha yötkep kélin'gendin béri tunji qétim rayondiki edebiyat-sen'et, ijtima'iy pen tetqiqat sahesige ularning tetqiqat nishani toghrisida yolyoruq bérishidur.

Xitay hökümiti 2017-yili bashlan'ghan chong tutqunda mezkur rayonning edebiyat-sen'et, ijtima'iy pen tetqiqat sahesidiki gholluq Uyghur serxillirini tazilap chiqiripla qalmay, Uyghurlarning tarixiy, medeniyiti, edebiyat-sen'itige a'it kitablarni “Bölgünchilik” terghib qilin'ghan, dégen namlarda birdek chekligen. Bu sahediki nurghun Uyghur serxilliri lagér-türmilerge qamalghan yaki iz déreksiz yoqalghanidi.

“Shinjang” gézitining xewer qilishiche, ma shingrüy yuqiriqi sözlerni shinjang ijtima'iy penler akadémiyesi, shinjang edebiyat-sen'etchiler birleshmisi, shinjang ‍ijtima'iy pen tetqiqatchiliri birleshmisi qatarliq orunlarni közdin kechürgende éytqan. U mundaq dégen: “Dewrning awazini anglap, dewrning chaqiriqigha awaz qoshup, zor we jiddiy mesililerni estayidil tetqiq qilip we hel qilip, shinjangning uzun muddetlik eminlikige munasiwetlik chongqur qatlamliq mesililerni chöridigen halda, diqqetni jungxu'a milliti ortaq éngini shekillendürüsh qatarliq zor mesililerge merkezleshtürüsh kérek”.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet