Malayshiya hökümiti ayropilan qazasigha uchrighanlargha iqtisadiy chiqim tölimekchi

Hindi okyanda qazagha uchrighan malayshiya ayropilanida qaza qilghanlarning a'ile - tawabi'atliri ku'ala - lamporda malayshiya mu'awin tashqi ishlar ministiri hemze zeyniddin bilen körüshkende zeyniddin ulargha malayshiya hökümitining iqtisadiy yardem bérishni pilanlawatqanliqini bildürgen.

B b s agéntliqining xewer qilishiche, zeyniddin malayshiya hökümiti yaki malayshiya awi'atsiye shirkiti otturigha chiqip, qazagha uchrighanlarning a'ile - tawa'ibatlirigha iqtisadiy yardem béridighan mexsus bir fondi jem'iyet qurushi mumkin ikenlikini bildurgen, emma malayshiya tashqi ishlar ministiri bu xizmetlerning konkrét tertiplirini ashkarilimighan.

Zeyniddin sözide malayshiya hökümitining her ademge adil mu'amile qilidighanliqini tekitligen.

Melum bolushiche qazagha uchrighan 227 ademning üchtin ikki qismi junggo puqrasi bolup, qazagha uchrighanlar ichide bir neper Uyghurmu bar idi.

Xewerdin melum bolushiche, hazir mexsus ademsiz su asti kémisi déngiz astida chöküp ketken ayropilanni izdesh élip barmaqta.