Malayshiyaning hadisige uchrighan ayropilan heqqidiki doklati naraziliq qozghidi

Muxbirimiz ümidwar
2015-03-08
Élxet
Pikir
Share
Print


Malayshiya hökümiti malayshiyaning "370MH" nomurluq nöwetchi ayropilanining hadisige uchrighanlirining bir yilliqi toshushi bilen 8 - mart küni weqeni tekshürüsh doklati élan qilghan bolsimu, emma qazagha uchrighanlarning a'ile - tawabi'atlirining naraziliqini qozghidi.

B b s agéntliqining xewer qilishiche, qazagha uchrighanlar a'ile - tawibatliri malayshiya hökümitining weqeni tekshürüsh heqqidiki doklatigha qayil emesliki, bu hadisining yenila sir péti qalghanliqini körsetken, bezi kishiler malayshiya hökümiti heqiqiy uchurni yoshurup, kishilerning héssiyati bilen oynashti, dep eyibligen.

Malayshiya hökümiti élan qilghan doklatta mezkur nöwetchi ayropilanning teqdirige a'it muhim yip uchi heqqide héchqandaq melumat bérilmigen iken.

Malayshiya bash ministiri nejip razzaq malayshiyaning her tereplerdin mezkur hadisige uchrighan ayropilani izdeshni dawamlashturiwatqanliqini bildürgen,

Ötken yili, 8 - mart küni ku'ala lampordin béyjinggha qarap uchqan"MH370" nöwetchi ayropilan hadisige uchrighan bolup, uningdiki 239 yoluchining 154 nepiri junggoluq idi. Eyni waqitta mezkur hadisige uchrighan ayropilan tinch okyan rayonida keng kölemde izdelgen bolsimu, tépilmighan idi.

Toluq bet