Malayshiya 150 tin artuq Uyghurni chégradin qanunsiz kirish bilen eyiblep tutup qalghan

Muxbirimiz erkin
2014-10-03
Share

Malayshiya köchmenliri da'iriliri paytext ku'alalumpur sheher merkizidiki 2 olturaq binani qorshap, 155 neper Uyghur musapirni tutqun qilghan. Tutqun qilin'ghanlarning 42 nepiri er, 37 nepiri ayal we 76 nepiri balilar iken.

Da'iriler Uyghur musapirlirini malayshiya chégrasidin qanunsiz kirish bilen eyiblep tutqun qilghan.

Teywen merkizi axbarat agéntliqining ashkarilishiche, köchmenler da'iriliri yene Uyghurlargha chétishliq atalmish bir adem etkeschilik guruhini qolgha alghan. Lékin xewerde, mezkur adem etkeschilik guruhining yerlik malaylar yaki Uyghurlar ikenliki tilgha élinmighan.

Xitay hökümiti2009‏-yili “5‏-Iyul weqesi” din bashlap diniy basturushni kücheytkendin kéyin, nurghun Uyghurlar xitayning yünnen we gu'angshi ölkiliri arqiliq sherqiy-jenubiy asiya ellirige qéchip chiqishqa bashlighan. Malayshiya bu Uyghurlarning bixeter 3-bir döletke bérip orunlishishidiki muhim ötkel bolup qalghan idi.

Nöwette, malayshiya da'irilirining bu Uyghurlarni b d t musapirlar mehkimisige tapshurup béridighanliqi yaki xitaygha qayturidighanliqi melum emes.

Xelq'ara kishilik hoquq teshkilatlirining qeyt qilishiche, xitay hökümitining siyasiy, diniy, medeniyet til we bashqa jehetlerdiki nishanliq basturushidin qachqan bu Uyghurlarni xitaygha qayturup bérish xeterlik bolup, xitaygha qayturulsa ularning ten jazasigha uchrash,, qamaq jazasigha höküm qilinish we iz déreksiz yoqap kétish xewpi mewjut.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet