Малайшияда уйғур мусапирлар мәсилиси муназирә қозғиған

Мухбиримиз әркин
2014-10-08
Share

Б д т мусапирлар идарисиниң малайшияда турушлуқ баянатчиси янте исмаил чаршәнбә күни малайшияда тутулуп қалған уйғур мусапирлириниң әһвали һәққидә тохтилип, биз улар һәққидә илгириләп учур елиш үчүн алақидар органлар билән алақилишиватимиз, дегән.

Малайшия көчмәнләр идарисиниң бир әмәлдари, кимликсиз бу мусапирлар тоғрилиқ давамлиқ учур топлаш басқучида туруватқанлиқини билдүргән. Малайшия көчмәнләр даирилири өткән йәкшәнбә күни хитайниң сиясий, диний бастурушидин қечип чиққан 155 нәпәр уйғур мусапирни тутқун қилған. Тутқун қилинғанларниң көп қисми аяллар вә балилар иди.

Уйғур мусапирлирини хитайға қайтуруш-қайтурмаслиқ мәсилиси, малайшия кишилик һоқуқ тәшкилатлири билән малайшиялиқ хитай өктичи гуруһлар оттурисида муназирә қозғиған. Малайшия демократик һәрикәт партийәсиниң парламент әзаси лин лийиң, бу уйғурларниң инавәтлик кимлики йоқ, улар малайшияниң бихәтәрлики вә террорлуққа қарши турушиға тәһдит, дегән.

Бирақ, лин лийиңниң сөзи дәрһал "адвокатлар үчүн әркинлик" намлиқ малайшия кишилик һоқуқ тәшкилатиниң тәнқидигә учриған. Мәзкур тәшкилатниң рәиси ерик паулсон, лин лийиңниң сөзидин һәйран қалғанлиқини билдүрүп, бундақ йәкүн чиқиришқа һечқандақ асас йоқ, дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт