Malayshiyada Uyghur musapirlar mesilisi munazire qozghighan

Muxbirimiz erkin
2014-10-08
Share

B d t musapirlar idarisining malayshiyada turushluq bayanatchisi yanté isma'il charshenbe küni malayshiyada tutulup qalghan Uyghur musapirlirining ehwali heqqide toxtilip, biz ular heqqide ilgirilep uchur élish üchün alaqidar organlar bilen alaqilishiwatimiz, dégen.

Malayshiya köchmenler idarisining bir emeldari, kimliksiz bu musapirlar toghriliq dawamliq uchur toplash basquchida turuwatqanliqini bildürgen. Malayshiya köchmenler da'iriliri ötken yekshenbe küni xitayning siyasiy, diniy basturushidin qéchip chiqqan 155 neper Uyghur musapirni tutqun qilghan. Tutqun qilin'ghanlarning köp qismi ayallar we balilar idi.

Uyghur musapirlirini xitaygha qayturush-qayturmasliq mesilisi, malayshiya kishilik hoquq teshkilatliri bilen malayshiyaliq xitay öktichi guruhlar otturisida munazire qozghighan. Malayshiya démokratik heriket partiyesining parlamént ezasi lin liying, bu Uyghurlarning inawetlik kimliki yoq, ular malayshiyaning bixeterliki we térrorluqqa qarshi turushigha tehdit, dégen.

Biraq, lin liyingning sözi derhal "Adwokatlar üchün erkinlik" namliq malayshiya kishilik hoquq teshkilatining tenqidige uchrighan. Mezkur teshkilatning re'isi érik pa'ulson, lin liyingning sözidin heyran qalghanliqini bildürüp, bundaq yekün chiqirishqa héchqandaq asas yoq, dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet