Malaysiya we hindonéziye muxbirliri Uyghurlar diyarini ziyaret qilghan

Muxbirimiz eziz
2019-02-26
Élxet
Pikir
Share
Print

Yéqinda xitay hökümiti bir türküm chet'el diplomatlirini lagérlarni ékskursiye qilishqa teshkilligendin kéyin, malaysiya we héndonéziyedin kelgen 11 muxbir 23-féwraldin bashlap ürümchi, atush, qeshqer we xoten qatarliq jaylarda ziyarette bolghan.

Xitayning "Yer shari waqti géziti" ning 25-féwraldiki xewiride éytilishiche, muxbirlar guruppisi bu jaylarda mektepler, meschitler we "Terbiyelesh merkezliri" ni közdin kechürgen. Ularning ziyariti jeryanida abduréqip tömürniyaz qatarliq islam "Ölimaliri" Uyghurlar diyarida qanunluq diniy étiqad erkinlikining toluq kapaletke ige ikenliki heqqide melumat bergen.

Buningdin bir hepte ilgiri xitay hökümitining tashqi ishlar ministirliqi pakistan, misir, rusiye, kuba, wénézu'éla qatarliq sekkiz döletning jenwediki wekillirini we bir qisim diplomatlarni Uyghurlar diyaridiki "Kespiy terbiyelesh merkezliri" ni ékskursiye qilishqa teshkilligen idi.

Xewerlerdin melum bolushiche, bu wekillerge birdek Uyghurlar diyarida "Esebiylik we térrorluq" ewj alghanliqtin ashu xil idiyeler bilen "Yuqumlan'ghan" kishilerni "Terbiyelesh" ke toghra kelgenliki, buning ularning kelgüsi istiqbali üchün ijabiy roli bolidighanliqi teshwiq qilin'ghan.

Halbuki, xitay hökümitining chet'el diplomatliri we muxbirliri üchün qandaq saxta meydan hazirlawatqanliqi, xelq'araning közini boyash üchün qandaq usullarni ishqa séliwatqanliqi heqqide türlük melumatlar otturigha chiqiwatqan bolup, analizchilar "Xitay hökümitining bu qilmishi xuddi quyashni étek bilen yépishqa urun'ghan'gha oxshaydu. Ular bundaq addiy usullar arqiliq dunyani aldash meqsitige yételmeydu" dédi.

Toluq bet