Malaysiya hökümiti Uyghurlarning mesilisige köngül bölüshke chaqirildi

Muxbirimiz irade
2019-05-28
Share

"Malaysiya yerlikler ittipaqi" yeni qisqiche atilishi "Bersatu" namliq siyasiy partiyening omumiy kéngesh ezasi, istratégiye tetqiqatchisi ra'is hussin herqaysi döletlerni we malaysiya hökümitini Uyghurlarning weziyitige köngül bölüshke chaqirdi.

Doktor ra'is hussin bu chaqiriqini malaysiyadiki nopuzluq gézitlerdin bolghan "Malaysiyakini" gézitide élan qilghan "Xitay Uyghurlargha qaratqan qayta terbiye lagérlirini étirap qilidighan waqit keldi" mawzuluq maqaliside qilghan.

U maqaliside, xitayda medeniyet inqilabi mezgilide ziyaliylargha qandaq zerbe bérilgen bolsa, hazirmu Uyghur ziyaliylirining xitay hökümitining éghir zerbe nishanigha aylan'ghanliqini, Uyghurlarning dini eqidisi seweblik térrorchidek mu'amilige uchrawatqanliqini bayan qilghan.

U, xitay hökümitining alahazel 2 milyon Uyghurni lagérlargha qamighanliqini étirap qilishla emes, belki uni ayaghlashturidighan waqti kelgenlikini eskertken.

Doktor ra'is hussin sözide: "Dunya jama'etchiliki hazirqi zamaniwi dunyada peyda bolghan we wehshiy natsist lagérlirigha oxshaydighan bu lagérlargha qarshi des turushi kérek. Malaysiya hökümitimu xitayning chékidin ashqan siyasetlirini ayaghlashturushi üchün tégishlik mejburiyetni ada qilishi kérek" dep yazghan.

Malaysiya hökümiti Uyghur mesiliside malaysiyadiki kishilik hoquq organlirining we bir qisim partiyelerning bésimigha uchrap kelmekte. Ötken ay malaysiya tashqi ishlar ministiri seyfidin abdulla "Jenubiy xitay sehiri géziti" ning ziyaritini qobul qilghanda: "Biz ehwalni chüshinimiz. Uyghurlarning ehwalini yéqindin közitiwatimiz. Shundaqla béyjinggha bizning bu mesilige estayidil mu'amile qiliwatqanliqimizni bildürüp kéliwatimiz" dégen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet