Малайсиядики йеңи һөкүмәт уйғур мусапирлар мәсилисигә көңүл бөлүшкә чақирилди

Мухбиримиз ирадә
2018-07-03
Share

Малайсияда йеқинда һөкүмәт алмишип, йеңи баш министир маһатир муһәммәд вәзипигә олтурди. Буниң билән малайсиядики бир қисим ахбарат васитилири малайсияда йеңидин тәшкилләнгән һөкүмәтни уйғур мусапирлар мәсилисигә көңүл бөлүшкә чақирди.

3-Июл күни "бүгүнки әркин малайсия" гезитидә малайсияда хитайға қайтурулуш хәвпи астида туруватқан 11 нәпәр уйғур мусапир тутқунниң мәсилиси асас қилинип, "йеңи малайсия мусапирлар үчүн бир үмидму" мавзулуқ бир парчә мақалә елан қилинди.

Мақалидә уйғурларниң хитай һөкүмитиниң түрлүк зиянкәшликлиригә учраватқанлиқи кишилик һоқуқ органлириниң доклатлири арқилиқ тонуштурулған вә "малайсия һөкүмитиниң уйғурларниң вәзийитини өзгәртишкә қурби йәтмисиму, әмма һеч болмиғанда малайсияға панаһлиниш үчүн кәлгән гунаһсиз уйғурларни қанат астиға елиш мәҗбурийити бар," дәп әскәртилгән.

Малайсияда тутуп турулуватқан 11 нәпәр уйғур тутқун 4 йилниң алдида тайландта тутулуп қалған уйғур мусапирларниң бир қисми иди. Улар өткән йилниң ахири тайландтики бир түрмидин қечип, малайсия чеграси ичигә киргәндин кейин малайсия сақчилири тәрипидин тутқун қилинған. Улар нөвәттә малайсия чеграсидин қанунсиз кириш җинайити билән әйиблинип сотқа чиқишни күтүп ятмақта.

Мақалидә "йеңи малайсия һөкүмитиниң малайсияда йолға қоюши керәк болған нурғун ишлири болсиму, әмма уларниң мусапирлар мәсилисини қандақ һәл қилиши уларниң алдиға қоюлидиған тунҗи синақ болиду," дейилгән.

Мақалә аптори йәнә сабиқ малайсия баш министири наҗиб разақ мәзгилидә малайсияға қечип кәлгән сиясий панаһланғучиларниң қилчә иккиләнмәстин өз дөлитигә қайтурулғанлиқини, булар ичидә хитайдин қечип кәлгән бир түркүм уйғурларниң б д т мусапирлар ишханиси тәрипидин берилгән мусапирлиқ салаһийитигә қаримай хитайға қайтуруветилгәнликини баян қилип, "бу аччиқ вәқә мәңгү малайсияниң йүзидики бир дағ болуп қалиду," дегән.

Мәзкур мақалиниң аптори деннс игнатиюс әпәнди малайсияниң сабиқ әлчиси болуп, у малайсия ташқи ишлар министирлики қармиқида охшимиған дөләт вә хәлқаралиқ органларда әлчилик вәзиписини өтигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт