Manas rayonida mol kömür kan zapisi barliqi békitildi

Muxbirimiz ümidwar
2017-07-02
Share

Yéqinda, Uyghur aptonom rayoni da'iriliri we xitay döletlik énérgiye idarisi jenubiy jungghar kömürlükining manas deryasi wadisi, yeni manas nahiye tewelikidiki kömür kan rayonidiki kömür zapas miqdarini tekshürüp békitken bolup, bu rayonda süpiti yuqiri üch milyard 818 milyon tonna kömür zapisi barliqi ashkarilan'ghan. "Shinjang iqtisad géziti" ning xewiridin melum bolushiche, Uyghur aptonom rayoni da'iriliri mezkur nahayiti mol kömür zapisigha asasen bu jayda chong kölemde kan rayoni we kömür éléktr bazisi qurush mumkin, dep hésablighan.

Hazir Uyghur diyarida jenubi jungghar we sherqiy jungghar kömürlükliri, turpan-qumul, ili, qoshtolghay, kuchar we bay kömürlükliri asasliq nuqta süpitide ish élip barmaqta. Manas nahiyisi tewesidiki mezkur kömür zapisi biwasite jenubiy jungghar kömürlüki teripidin échilidiken.

Xitay "Döletlik kömüri sana'iti tori" we bashqilarning xewiridin melum bolushiche, 2011-yili Uyghur diyarida yéngidin köpeygen kömür bayliqi zapisining 320 milyard tonnigha yetkenliki, 2014-bolsa 369 milyard 200 milyon tonna ikenliki hésablap chiqilghan bolup, hazir Uyghur diyari xitayning muhim kömür bazisigha aylandurulghan.

Xitay hökümiti "Shinjangning kömürini sherqqe toshush" pilanini yillardin buyan dawamlashturuwatqan bolup, her qaysi kömürlüklerni échish qedimini tézlitip, kömür mehsulatlirini ichkiri xitay ölkilirige toshush miqdarinimu ashurmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet