Marko rubiyo amérika tinchliq korpusining xitaydin chékinip chiqishini alqishlidi

Muxbirimiz eziz
2020-01-21
Élxet
Pikir
Share
Print

Amérika hökümitige tewe chet'ellerge ijtima'iy-iqtisadiy we téxnika yardemlirini körsitidighan tinchliq körpisining bash shtabi xitay hökümitining Uyghurlar diyarida "Insaniyetke qarshi jinayet ötküzüsh qilmishi" tüpeylidin ötken hepte özlirining xitayda wezipe ötewatqan xadimlirini 2020-yili iyundin bashlap pütünley chékindürüp chiqidighanliqini élan qilghanidi.

Amérika kéngesh palatasining ezasi marko rubiyo bügün bayanat élan qilip özining bu qararni qizghin alqishlaydighanliqini bildürdi. Shundaqla amérikadiki Uyghur pa'aliyetchilerdin furqet jawdetning apisi heqqidiki filimni körgendin kéyinki tesiratini bayan qilip: "Mana bu Uyghurlar duch kéliwatqan ré'alliqtur. Xitay kompartiyesi Uyghur we bashqa milletlerning milliy we medeniyet kimlikini sistémiliq yoqatmaqchi boluwatidu. Hazir Uyghur kishilik hoquq qanun layihisini maqulluqtin ötküzidighan peyt yétip keldi" dep körsetti.

Melum bolushiche, muhajirettiki Uyghurlarning öz a'ilisi heqqidiki ashkara guwahliqliri xitayning Uyghurlargha qandaq zulum séliwatqanliqini dunyagha pash qilishta zor ijabiy ünüm peyda qilmaqta iken.

Toluq bet