Марко рубийо милйонлиған лагер тутқунлириниң вирустин юқумлиниш әһвалидин әндишә қиливатқанлиқини билдүрди

Мухбиримиз ирадә
2020-03-05
Елхәт
Пикир
Share
Принт

Америка кеңәш палата әзаси марко рубийо хитайда пәйда болған вирусниң уйғур елидики лагерларға тарқилиш мәсилиси һәққидики әндишилирини баян қилди.

Марко рубийо 4-март күни «америка авази» ниң зияритини қобул қилғанда бу һәқтики әндишилирини ипадә қилған. У хитай һөкүмитиниң бу һәқтики учурларни қатти қамал қиливатқанлиқини әскәртип: «қолимизда пәқәт хитай һөкүмити өзи елан қиливатқан учурдин башқа учур йоқ бир шараитта, йиғивелиш лагеридикиләрниң әһвалиға аит мәлуматлардин сөз ечиш техиму мумкин әмәс. Хитайда юқум вәзийитиниң интайин җиддийликини нәзәрдә тутқанда, лагерларда тутуп турулуватқанларниң әһвали йәниму хәтәрлик. Бирақ йүз бериватқанлар биз үчүн толиму қараңғу» деди.

Марко рубийо сөзидә йәнә «мана бу, хитай әмәлдарлириниң инсаний әхлақтин қанчилик йирақта икәнликини намаян қилип бериду», деди.

Уйғур елидики милйонлиған лагер тутқунлириниң вирустин юқумлиниш хәвпи нөвәттә чәтәлләрдики уйғур җамаити вә уйғур мәсилисигә көңүл бөлүватқан барлиқ орган һәм шәхсләр әң диққәт қиливатқан мәсилигә айланди. Улар бирдәк, хитай һөкүмитидин бу һәқтики мәлуматларни ашкарилашни вә барлиқ лагер тутқунлирини дәрһал азад қилишқа чақирмақта. Һалбуки, хитай һөкүмити бу һәқтики пикирләрни изчил рәт қилип кәлмәктә.

Пикирләр (0)
Share
Толуқ бәт