Marko rubiyo milyonlighan lagér tutqunlirining wirustin yuqumlinish ehwalidin endishe qiliwatqanliqini bildürdi

Muxbirimiz irade
2020-03-05
Élxet
Pikir
Share
Print

Amérika kéngesh palata ezasi marko rubiyo xitayda peyda bolghan wirusning Uyghur élidiki lagérlargha tarqilish mesilisi heqqidiki endishilirini bayan qildi.

Marko rubiyo 4-mart küni "Amérika awazi" ning ziyaritini qobul qilghanda bu heqtiki endishilirini ipade qilghan. U xitay hökümitining bu heqtiki uchurlarni qatti qamal qiliwatqanliqini eskertip: "Qolimizda peqet xitay hökümiti özi élan qiliwatqan uchurdin bashqa uchur yoq bir shara'itta, yighiwélish lagéridikilerning ehwaligha a'it melumatlardin söz échish téximu mumkin emes. Xitayda yuqum weziyitining intayin jiddiylikini nezerde tutqanda, lagérlarda tutup turuluwatqanlarning ehwali yenimu xeterlik. Biraq yüz bériwatqanlar biz üchün tolimu qarangghu" dédi.

Marko rubiyo sözide yene "Mana bu, xitay emeldarlirining insaniy exlaqtin qanchilik yiraqta ikenlikini namayan qilip béridu", dédi.

Uyghur élidiki milyonlighan lagér tutqunlirining wirustin yuqumlinish xewpi nöwette chet'ellerdiki Uyghur jama'iti we Uyghur mesilisige köngül bölüwatqan barliq organ hem shexsler eng diqqet qiliwatqan mesilige aylandi. Ular birdek, xitay hökümitidin bu heqtiki melumatlarni ashkarilashni we barliq lagér tutqunlirini derhal azad qilishqa chaqirmaqta. Halbuki, xitay hökümiti bu heqtiki pikirlerni izchil ret qilip kelmekte.

Toluq bet