Marko rubyo istixbarat komitétining muweqqet re'islikige körsitildi

Muxbirimiz eziz
2020-05-19
Share

Amérika dölet mejlisining kéngesh palatasi qarmiqidiki istixbarat komitéti 18-may küni sabiq re'is richard burning istépanamisini tapshuruwalghandin kéyin kéngesh palata ezasi marko rubiyo mezkur komitétning muweqqet re'islikige körsitildi.

“Bügünki amérika” xewer agéntliqining 18-maydiki xewirige qarighanda, istixbarat komitétining re'isini kéngesh palatasining asasliq rehbiri békitidighan bolup, nöwettiki rehber mich mekkonél buningdin bir kün ilgiri bu qararni chiqarghan. Köpchilik buni nahayiti jayida ish boldi, dep qaraydighanliqini bildürgen. Mich mekkonél bu munasiwet bilen söz qilip؛ “Marko rubyoning alliqachan sinaqlardin ötken rehberlik qabiliyiti tebi'iy halda uning bu orun'gha muwapiq kishi ikenlikini körsitip turmaqta” dédi.

Melum bolushiche, kéngesh palatasi istixbarat komitéti 1976-yili qurulghan bolup, amérika hökümitining istixbarat xizmetliri we pa'aliyetlirini közitish, kéngesh palatasigha bu sahege munasiwetlik qanun layiheliri we doklatlarni sunushqa mes'ul iken. Adette komitét terkibide 15 kishi bolup, bular istixbarat doklatliri, xamchot we istixbarat pa'aliyetlirini teptish qilidiken. Shundaqla qerellik türde bu jehettiki guwahliq bérish yighinlirini uyushturidiken.

Yéqinqi mezgillerdin buyan kéngesh palata ezasi marko rubiyo özining xitay hökümitini keskin tenqidlishi, shuningdek “Uyghur kishilik hoquq siyasiti qanun layihesi” ni tonushturushi bilen axbarat wasitiliride körülüsh nisbiti eng yuqiri boluwatqan siyasiyonlarning biri bolup qalghanidi. Uning bu qétim mezkur komitétning muweqqet re'islikige körsitilishi köpligen kishilerni memnun qilghanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet