Aqsudiki maska jiddiyliki yuqumgha da'ir qismen ehwallardin bésharet berdi

Muxbirimiz eziz
2020-09-01
Élxet
Pikir
Share
Print

"Aqsu géziti" ning 31-awghusttiki xewiride éytilishiche, aqsudiki hökümet tarmaqliri bazarlargha yamrap ketken yalghan we saxta maskilarni bir terep qilip, maska bazirining muqimliqigha képillik qilishqa tirishmaqtiken. Xewerde éytilishiche, nöwette aqsu bazarlirida menbesi éniq bolmighan, héchqandaq layaqetlik guwahnamisi bolmighan yaki maska rolini oyniyalmaydighan zor sandiki saxta maskilar tarqalghan.

Ötken bir ay ichide Uyghurlar diyaridiki hemme sheher we nahiyeler tajsiman wirusi yuqumining aldini élish üchün qattiq qamal tedbirlirini alghanidi. Shu waqitlarda hökümet tarmaqliri yuqumdarlarning asasiy jehettin ürümchi shehiride ikenlikini, bashqa jaylarda, jümlidin aqsuda birmu yuqumdarning yoqluqini tekitlep kelgenidi.

Xewerde éytilishiche nöwette aqsu shehiride échilghan maska zawutliri her küni 450 ming dane maska ishlepchiqiridighan bolup "Maska éhtiyajini qandurmaqta" déyilidu. Maska ishlepchiqirishidiki bu xil zor kölem hemde yuqumgha qarshi qamal qilish tedbirlirining téxi toluq bikar qilinmighanliqi heqqidiki ehwallargha asasen beziler "Nöwette aqsu tewesidiki tajsiman wirusi yuqumi heqqide ashkarilanmighan sirlar bolushi mumkin" dégenni algha sürmektiken.

Toluq bet