Томас харрис: «мәдәнийәт қирғинчилиқи ‹йирақ ғәрб' тә давам қилмақта!»

Мухбиримиз әзиз
2018-04-17
Елхәт
Пикир
Share
Принт

Уйғурлар дияридики омумйүзлүк сиясий бастуруш һәрикәтлири изчил дуня ахбаратиниң вә һәр саһә затлириниң диққитини қозғап келиватқанлиқи мәлум.

16-Апрел күни «күндилик чақирғучи» торида елан қилинған сиясий анализчи томас харрисниң бу һәқтики мақалиси мәхсус уйғурлар дияридики мәдәнийәт саһәсидә йүз бериватқан бастуруш һәрикәтлиригә беғишланған.

Аптор мақалисини мундақ башлайду: «хитай хәлқ җумһурийити шәрқий түркистанни 1949-йили ишғал қиливалған һәмдә бу җайниң намини ‹шинҗаң уйғур аптоном райони' дәп өзгәрткән. Әнә шундин тартип дунядики нефит вә тәбиий газ байлиқи әң мол болған бу район хитай һөкүмранлиқида аптономийәниң немиликини билмәй өтүватиду.»

Аптор шуниңдин кейин уйғурлар райониниң тибәткә охшашла хитайниң сиясий җуғрапийәлик мәнпәәти үчүнму муһим бир орун болуп кәлгәнлики, әмма хитай һөкүмитиниң бу районға болған контроллуқни күчәйтиш үчүн айрим шәхсләрниң ситихийилик һәрикитини пүткүл уйғур миллитигә тәтбиқлап уларни бастурушқа киришкәнликини баян қилған.

Аптор мақалисиниң давамида ши җинпиң һакимийәт бешиға чиққандин кейин, болупму чен чуәнгони уйғурлар дияридики партийә секретари қилип тәйинлигәндин кейин уйғурлар дияриниң уруш һалитигә өткәнлики, сиясий контроллуқниң қаттиқлиқидин уйғурларға һечқандақ шәхсийәт бошлуқи қалмиғанлиқи, уйғурларни бастуруш һәрикитиниң нөвәттә уйғурларниң миллий кимлики, диний етиқади, тил-йезиқини асаслиқ һуҗум нишани қиливатқанлиқи, әмма ғәрб дунясиниң «еғиз йесә йүз уюлар» дегәндәк бу ишларни көрмәскә селиватқанлиқи қатарлиқларни баян қилип, уйғурларниң техиму қабаһәтлик бир реаллиққа йүзлиниватқанлиқини әскәртиду.

Пикирләр (0)
Share
Толуқ бәт