Tomas xarris: "Medeniyet qirghinchiliqi 'yiraq gherb' te dawam qilmaqta!"

Muxbirimiz eziz
2018-04-17
Élxet
Pikir
Share
Print

Uyghurlar diyaridiki omumyüzlük siyasiy basturush heriketliri izchil dunya axbaratining we her sahe zatlirining diqqitini qozghap kéliwatqanliqi melum.

16-Aprél küni "Kündilik chaqirghuchi" torida élan qilin'ghan siyasiy analizchi tomas xarrisning bu heqtiki maqalisi mexsus Uyghurlar diyaridiki medeniyet saheside yüz bériwatqan basturush heriketlirige béghishlan'ghan.

Aptor maqalisini mundaq bashlaydu: "Xitay xelq jumhuriyiti sherqiy türkistanni 1949-yili ishghal qiliwalghan hemde bu jayning namini 'shinjang Uyghur aptonom rayoni' dep özgertken. Ene shundin tartip dunyadiki néfit we tebi'iy gaz bayliqi eng mol bolghan bu rayon xitay hökümranliqida aptonomiyening némilikini bilmey ötüwatidu."

Aptor shuningdin kéyin Uyghurlar rayonining tibetke oxshashla xitayning siyasiy jughrapiyelik menpe'eti üchünmu muhim bir orun bolup kelgenliki, emma xitay hökümitining bu rayon'gha bolghan kontrolluqni kücheytish üchün ayrim shexslerning sitixiyilik herikitini pütkül Uyghur millitige tetbiqlap ularni basturushqa kirishkenlikini bayan qilghan.

Aptor maqalisining dawamida shi jinping hakimiyet béshigha chiqqandin kéyin, bolupmu chén chu'en'goni Uyghurlar diyaridiki partiye sékrétari qilip teyinligendin kéyin Uyghurlar diyarining urush halitige ötkenliki, siyasiy kontrolluqning qattiqliqidin Uyghurlargha héchqandaq shexsiyet boshluqi qalmighanliqi, Uyghurlarni basturush herikitining nöwette Uyghurlarning milliy kimliki, diniy étiqadi, til-yéziqini asasliq hujum nishani qiliwatqanliqi, emma gherb dunyasining "Éghiz yése yüz uyular" dégendek bu ishlarni körmeske séliwatqanliqi qatarliqlarni bayan qilip, Uyghurlarning téximu qabahetlik bir ré'alliqqa yüzliniwatqanliqini eskertidu.

Toluq bet