"меңә ююш тарихи" намлиқ китабниң аптори сотланған

Мухбиримиз қутлан
2015-11-02
Share

"хитайдики өзгириш" ториниң хәвиригә қариғанда, даңлиқ хитай өктичиси вә язғучиси фу җибен 30-өктәбир күни нәнчаң шәһәрлик оттура сот мәһкимисидә сотланған.

Игилинишичә, бу йил 51 яшқа киргән язғучи фу җибен өткән йили тәйвәндә "меңә ююш тарихи" намлиқ китабини нәшр қилдурған. Бу китаб хитай чоң қуруқлуқида сетилғандин кейин зор иҗтимаий тәсир пәйда қилған.

Өткән йили 30-сентәбир күни у "қанунсиз тиҗарәт қилиш җинайити" билән тутқун қилинған. Аридин бир йил бир ай өткәндә сотланған болсиму, лекин ахирқи җаза һөкүми техи елан қилинмиған. Көзәткүчиләр, униң аз дегәндә 5 йиллиқ муддәтлик қамақ җазасиға һөкүм қилиниш мумкинликини илгири сүрмәктикән.

Апторниң мәзкур китабқа язған кириш сөзигә асасланғанда, "меңә ююш тарихи" намлиқ бу китаб тунҗи қетим хитай компартийәси һөкүмранлиқ қилған йерим әсирдин көпрәк мәзгилдә хитай хәлқиниң меңисиниң қандақ ююлғанлиқи һәққидә дадиллиқ билән қәләм тәврәткән икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт