"Ménge yuyush tarixi" namliq kitabning aptori sotlan'ghan

Muxbirimiz qutlan
2015-11-02
Élxet
Pikir
Share
Print

"Xitaydiki özgirish" torining xewirige qarighanda, dangliq xitay öktichisi we yazghuchisi fu jibén 30-öktebir küni nenchang sheherlik ottura sot mehkimiside sotlan'ghan.

Igilinishiche, bu yil 51 yashqa kirgen yazghuchi fu jibén ötken yili teywende "Ménge yuyush tarixi" namliq kitabini neshr qildurghan. Bu kitab xitay chong quruqluqida sétilghandin kéyin zor ijtima'iy tesir peyda qilghan.

Ötken yili 30-séntebir küni u "Qanunsiz tijaret qilish jinayiti" bilen tutqun qilin'ghan. Aridin bir yil bir ay ötkende sotlan'ghan bolsimu, lékin axirqi jaza hökümi téxi élan qilinmighan. Közetküchiler, uning az dégende 5 yilliq muddetlik qamaq jazasigha höküm qilinish mumkinlikini ilgiri sürmektiken.

Aptorning mezkur kitabqa yazghan kirish sözige asaslan'ghanda, "Ménge yuyush tarixi" namliq bu kitab tunji qétim xitay kompartiyesi hökümranliq qilghan yérim esirdin köprek mezgilde xitay xelqining méngisining qandaq yuyulghanliqi heqqide dadilliq bilen qelem tewretken iken.

Toluq bet