Amérika Uyghur kishilik hoquq programmisi türmidiki jurnalist mehbube ablesh heqqide bayanat élan qildi


2015-08-26
Share


Amérika Uyghur kishilik hoquq programmisi 25 - awghust küni 2008 - yili dölet mexpiyetlikige da'ir uchurlarni yollighan dégen jinayet artilip qolgha élin'ghan zhurnalist mehbube ableshning tutqun qilin'ghanliqining 7 yilliqi munasiwiti bilen bayanat élan qilip, xitay hökümitidin türmidiki mehbube ablesh, gheyret niyaz, ilham toxti, memetjan abdulla, ekberjan jamal, ekber imin qatarliq 17 neper Uyghur zhurnalist, tor yazghuchiliri qatarliq wijdan mehbuslirini qoyup bérishni telep qildi.

Amérika Uyghur kishilik hoquq programmisining diréktori alim séyitof ependi bu heqte toxtilip: "Igilishimizche, xitayning shinjang Uyghur aptonum rayonluq radi'o istansisining muxbiri mehbube ablesh, 2008 - yili awghust éyida yeni olimpik mezgilide sezgür uchurlarni yollighan dégen jinayetler artilip tutqun qilin'ghan. U, hazir ürümchidiki ayallar türmiside ( 2 - türmide) jaza mudditini ötewatqanliqi melum. Chégrasiz muxbirlar teshkilati, erkinlik sariyi qatarliq köpligen xelq'ara kishilik hoquq teshkilatliri xitayda tutqun qilin'ghan zhurnalistlarni qoyup bérish heqqidiki bayanatlirida mehbube ablesh qatarliq türmidiki Uyghur jurnalistlirinimu qoyup bérishni tekitlep kelmekte, emma xitay hökümiti her xil bahanilarda Uyghur zhurnalistlirini we tor yazarlirini tutqun qilishni dawamlashturmaqta", dédi.

Chégrasiz muxbirlar teshkilatining 2014 yilidiki sanliq melumattin melum bolushiche, xitayda dölet mexpiyetlikini ashkarilighan, qutraquluq uchurlirini tarqatqan, döletni parchilashqa, hökümetni aghdurushqa urun'ghan digen jinayetler artilip xitay türmilirige qamalghan zhurnalistlar 44 neper bolup, ularning 17 nepiri Uyghur iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet