Sabiq zhurnalist mehbube ableshning qoyup bérilgenliki melum bolmaqta

Muxbirimiz jüme
2015.08.26

Uchurlargha qarighanda, 2008-yili 3 yilliq qamaq jazasigha höküm qilghan sabiq zhurnalist mehbube ableshning bir nechche yil awwal qoyup bérilgenliki melum bolmaqta.

Radi'omiz 25-awghust Uyghur kishilik hoquq programmisi mehbube ableshning iz-dérikini qilip bergen bayanatni xewer qilghandin kéyin, bir radi'o anglighuchimiz bizge uchur yollap mehbube ableshning hazir “Erkin” ikenlikini bildürgen.

Uchur yollighuchi, mehbube ableshning türmide 3 yil yatqandin kéyin 2011-yili qoyup bérilgenliki, uning hazir ürümchidiki melum bir idaride ishleydighanliqi, özining mehbube ablesh bilen bu yil yazda ürümchide uchriship qalghanliqini bildürgen.

Biz bu uchurning rast-yalghanliqini derhal delilleshke tirishtuq. Téléfonimizni qobul qilghan mehbube ablesh özining mehbube ablesh ikenlikini éytqan bolsimu, radi'omiz ziyaritini qobul qilishini ret qildi.

Mehbube ablesh esli shinjang xelq radi'o istansisining muxbiri. Uning 2008-yili xitayning atalmish “Qosh til” siyasitini tenqid qilghanliqi üchün qolgha élin'ghanliqi xewer qilin'ghan. Amérikidiki “Di'alog” fondi jem'iyiti eyni chaghda mehbube ableshning “Bölgünchilik jinayiti” bilen eyiblen'genlikini bildürgen.

Xitay shundin kéyin mehbube ablesh heqqide héchqandaq éniqlima we toluqlima melumat bermigen.

Amérika Uyghur kishilik hoquq programmisi tünügüni bayanatida xitayni mehbube ablesh qatarliq türmidiki 17 neper Uyghur zhurnalist heqqide melumat bérishke chaqirghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.