Манчестер университети уйғурларни тәқиб қилишқа чеـтишлиқ CETC ширкити билән алақисини үзди

Мухбиримиз ирадә
2021-02-04
Share

Әнгилийәниң манчестер университети хитай електрон техника ширкити "CETC" ниң хитай җамаәт хәвпсизлик даирилирини уйғурларни кәң көләмдә назарәт қилиш үчүн қоллинилидиған техника супилири вә әпләр билән тәминлигәнликини уққандин кейин, бу шеркәт билән түзгән келишимини бикар қилған.

Әнгилийәниң "заман" (The Times) ториниң хәвәр қилишичә, әнгилийә парламентиниң ташқи ишлар комитети 14-январ күни мәзкур унверситет даирилириға мәхсус мәктуб йоллап, уларни юқириқи бу хитай ширкитиниң уйғуларни бастурушта роли барлиқи һәққидә агаһландурған.

Әнгилийә парламенти ташқи ишлар комитетиниң рәиси том тугендат мәктубида мундақ дегән: "кишилик һоқуқни көзитиш тәшкилати вә австиралийә истратегийәлик сиясәт тәтқиқат орниниң ишәнчлик доклатиға қариғанда, CETC хитай һөкүмитиниң шинҗаңда қурған мутләқ назарәт дөлитиниң асаслиқ бинакарлириниң бири. У хитай компартийәсини уйғурларни асас қилған бир милйондин артуқ кишиниң лагерларға қамилишида қоллинилған техника вә ул әслиһәлири билән тәминлигән."

Манчестир университет даирилири юқириқи мәктубтин кейин дәрһал һәрикәткә өтүп, хитай електрон техника шеркити билән алақисини үзгән вә буни рәсмий йосунда юқириқи комитетқа билдүргән.

Америка һөкүмити хитайниң уйғурларға қиливатқан зулумни "ирқий қирғинчилиқ" вә "инсанийәткә қарши җинайәт" дәп бекиткән, бу тоғрилиқ һәркүни дегүдәк кишини чөчүтидиған пакитлар ашкарилиниватқан бир мәзгилдә, әнгилийәдики бу унверситет қолланған әмәлий һәрикәт алқишқа еришـти.

Әнгилийә парламенти ташқи ишлар комитетиниң рәиси том тугендат әпәнди гезитгә қилған сөзидә өзиниң бу университетниң қарардин мәмнун болғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт