Manchéstér uniwérsitéti Uyghurlarni teqib qilishqa chéـtishliq CETC shirkiti bilen alaqisini üzdi

Muxbirimiz irade
2021-02-04
Share

En'giliyening manchéstér uniwérsitéti xitay éléktron téxnika shirkiti "CETC" ning xitay jama'et xewpsizlik da'irilirini Uyghurlarni keng kölemde nazaret qilish üchün qollinilidighan téxnika supiliri we epler bilen teminligenlikini uqqandin kéyin, bu shérket bilen tüzgen kélishimini bikar qilghan.

En'giliyening "Zaman" (The Times) torining xewer qilishiche, en'giliye parlaméntining tashqi ishlar komitéti 14-yanwar küni mezkur unwérsitét da'irilirigha mexsus mektub yollap, ularni yuqiriqi bu xitay shirkitining uyghularni basturushta roli barliqi heqqide agahlandurghan.

En'giliye parlaménti tashqi ishlar komitétining re'isi tom tugéndat mektubida mundaq dégen: "Kishilik hoquqni közitish teshkilati we awstiraliye istratégiyelik siyaset tetqiqat ornining ishenchlik doklatigha qarighanda, CETC xitay hökümitining shinjangda qurghan mutleq nazaret dölitining asasliq binakarlirining biri. U xitay kompartiyesini Uyghurlarni asas qilghan bir milyondin artuq kishining lagérlargha qamilishida qollinilghan téxnika we ul esliheliri bilen teminligen."

Manchéstir uniwérsitét da'iriliri yuqiriqi mektubtin kéyin derhal heriketke ötüp, xitay éléktron téxnika shérkiti bilen alaqisini üzgen we buni resmiy yosunda yuqiriqi komitétqa bildürgen.

Amérika hökümiti xitayning Uyghurlargha qiliwatqan zulumni "Irqiy qirghinchiliq" we "Insaniyetke qarshi jinayet" dep békitken, bu toghriliq herküni dégüdek kishini chöchütidighan pakitlar ashkariliniwatqan bir mezgilde, en'giliyediki bu unwérsitét qollan'ghan emeliy heriket alqishqa érishـti.

En'giliye parlaménti tashqi ishlar komitétining re'isi tom tugéndat ependi gézitge qilghan sözide özining bu uniwérsitétning qarardin memnun bolghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet