Uyghur élida "Ishqa orunlashturush" namidiki mejburiy emgekke sélish dawamlashmaqta

Muxbirimiz irade
2020-02-05
Élxet
Pikir
Share
Print

Uyghur aptonom rayonluq da'irilerning 2019-yilida 144 ming 300 kishining ishqa orunlashturulghanliqini ilgiri sürüshi diqqet qozghidi.

"Tengritagh tori" ning xewirige qarighanda, Uyghur aptonom rayonluq adem küchi bayliqi we ijtima'iy kapalet nazariti 2019-yilida pütün aptonom rayon boyiche 74 ming 700 kishining yéngidin igilik tikligenlikini we 144 ming 300 kishining ishqa orunlishishigha türtke bolghanliqini élan qilghan. 

Biraq xewerde igilik we xizmet türlirining némilerdin ibaret ikenliki tilgha élinmighan. "Tengritagh tori" yene shu kündiki bir parche xewiride merkezning "Ishqa orunlashturush" ni ching tutush yolyoruqigha asasen rayonda "Karxanilar toplinish, kesip arqiliq ishqa orunlishishqa türtke bolush" ning emeliyleshtürgenliki bayan qilin'ghan. 

Xewerde töwendikiler bayan qilin'ghan: "Xotenning qaraqash nahiyeside yéqinqi ikki yil ichide toqumichiliq, kiyim-kéchek, yémeklik pishshiqlash qatarliq karxanilarning makanlishishi tézlitildi, netijide 22 karxana, 330 séx, 420 hünerxana barliqqa keldi. Nurghun kishiler ishik aldida ishqa orunliship, muqim kirimgha érishti" 

Biraq chet'ellerdiki közetküchiler xitay da'iliri "Ishik aldidiki karxanilargha ishqa orunlishish" dewatqan bu heriketni Uyghur élida yolgha qoyuluwatqan mejburiy emgek, dep qarimaqta. Uyghurlar weziyitige yéqindin diqqet qilip kéliwatqan tetqiqatchi adriyan zénz bilen "Nyu-york waqti géziti" qatarliq axbaratlar birdek xitay hökümitining Uyghurlarni mejburi halda erzan bahaliq ishchilar qoshunigha aylanduriwatqanliqini bildürgen idi. 

"Tengritagh tori" ning yuqiriqi xewiride éytilishiche, 2019-yili qaraqash nahiyesi jem'iy 89 ming 876 ademni yötkep ishqa orunlashturghan, buning ichide 3698 kishini xitay ölkilirige yötkigen. 10 Ming 977 kishini rayon halqip "Ishqa orunlashturghan", 22 ming 789 kishini yéqin etrapta, öz jayida ishqa orunlashturghan, 52 ming 412 kishini pesil xaraktérlik yötkep ishqa orunlashturghan.

Toluq bet