Кишилик һоқуқ тәшкилатлири: “IOC олимпик формилириниң ‍уйғур мәҗбурий әмгики билән болған алақисини йетәрлик тәкшүрмиди”

Мухбиримиз әркин
2022-02-14
Share

Кишилик һоқуқни көзитиш тәшкилатини өз ичигә алған дунядики 400 дин артуқ тәшкилатниң “уйғур мәҗбурий әмгикини чәкләш хәлқара бирләшмиси” 14-феврал хәлқара олимпик комитетиниң (IOC) бейҗиң қишлиқ олимпик пормилири вә башқа мәһсулатлириниң уйғур мәҗбурий әмгики билән болған алақисини йетәрлик тәкшүрмигәнликини билдүргән. Кишилик һоқуқ көзитиш тәшкилатиниң көрситишичә, хәлқара олимпик комитети бейҗиң қишлиқ олимпики илгири баянат елан қилип, мал тәминат зәнҗиригә қарита әстайидил тәкшүрүштә болғанлиқини билдүргән болсиму, бирақ униңда муһим бошлуқларниң барлиқи тәкитләнгән.

Кишилик һоқуқни көзитиш тәшкилатиниң ейтишичә, хәлқара олимпик комитетиниң тәкшүрүши очуқ-ашкара болмаслиқ, мал тәминлигүчиләрниң мал тәминат мәнбәсини анализ қилмаслиқтәк бошлуқларни ‍өз ичигә алғаникән. Хәлқара олимпик комитети бу йил 19-январ өзлириниң олимпик мәһсулатлириға қарита 3-тәрәп тәкшүрүши елип берип, бу мәһсулатларниң мәҗбурий әмгәк билән һечқандақ алақиси тепилмиғанлиқини елан қилған. Бирақ кишилик һоқуқ көзитиш тәшкилатиниң ейтишичә, хәлқара олимпик комитети мал тәминлигүчи ширкәтләрниң олимпик буюмлири сиртидики кәң ишләпчиқириш саһәсидә кишилик һоқуқ дәпсәндичиликигә шерик болған-болмиғанлиқиға чүшәнчә бәрмигән.

Кишилик һоқуқ көзитиш тәшкилатиниң йәршари ишлири директори минкий ворден, хәлқара олимпик комитети 2022-йиллиқ бейҗиң қишлиқ олимпикиниң мәһсулатлириға қарита тунҗи қетим өзиниң кишилик һоқуқи тәкшүрүшини ашкарилиғанлиқини билдүрүп; “әмма у бизни мәһсулатларниң уйғур райони вә хитайниң башқа җайлиридики мәҗбурий әмгәк вә кишилик һоқуқ дәпсәндичилики билән четишлиқ икәнликигә даир ишәнчлик капаләт билән тәминлимиди” дегән. Хәлқара олимпик комитети бейҗиң қишлиқ олимпики хадимлириниң формисини хитайниң уйғур мәҗбури әмгикигә четишлиқ “анта” намлиқ ширкитигә заказ қилғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт