Kishilik hoquq teshkilatliri: “IOC Olimpik formilirining ‍uyghur mejburiy emgiki bilen bolghan alaqisini yéterlik tekshürmidi”

Muxbirimiz erkin
2022-02-14
Share

Kishilik hoquqni közitish teshkilatini öz ichige alghan dunyadiki 400 din artuq teshkilatning “Uyghur mejburiy emgikini cheklesh xelq'ara birleshmisi” 14-féwral xelq'ara olimpik komitétining (IOC) béyjing qishliq olimpik pormiliri we bashqa mehsulatlirining Uyghur mejburiy emgiki bilen bolghan alaqisini yéterlik tekshürmigenlikini bildürgen. Kishilik hoquq közitish teshkilatining körsitishiche, xelq'ara olimpik komitéti béyjing qishliq olimpiki ilgiri bayanat élan qilip, mal teminat zenjirige qarita estayidil tekshürüshte bolghanliqini bildürgen bolsimu, biraq uningda muhim boshluqlarning barliqi tekitlen'gen.

Kishilik hoquqni közitish teshkilatining éytishiche, xelq'ara olimpik komitétining tekshürüshi ochuq-ashkara bolmasliq, mal teminligüchilerning mal teminat menbesini analiz qilmasliqtek boshluqlarni ‍öz ichige alghaniken. Xelq'ara olimpik komitéti bu yil 19-yanwar özlirining olimpik mehsulatlirigha qarita 3-terep tekshürüshi élip bérip, bu mehsulatlarning mejburiy emgek bilen héchqandaq alaqisi tépilmighanliqini élan qilghan. Biraq kishilik hoquq közitish teshkilatining éytishiche, xelq'ara olimpik komitéti mal teminligüchi shirketlerning olimpik buyumliri sirtidiki keng ishlepchiqirish saheside kishilik hoquq depsendichilikige shérik bolghan-bolmighanliqigha chüshenche bermigen.

Kishilik hoquq közitish teshkilatining yershari ishliri diréktori minkiy wordén, xelq'ara olimpik komitéti 2022-yilliq béyjing qishliq olimpikining mehsulatlirigha qarita tunji qétim özining kishilik hoquqi tekshürüshini ashkarilighanliqini bildürüp؛ “Emma u bizni mehsulatlarning Uyghur rayoni we xitayning bashqa jayliridiki mejburiy emgek we kishilik hoquq depsendichiliki bilen chétishliq ikenlikige da'ir ishenchlik kapalet bilen teminlimidi” dégen. Xelq'ara olimpik komitéti béyjing qishliq olimpiki xadimlirining formisini xitayning Uyghur mejburi emgikige chétishliq “Anta” namliq shirkitige zakaz qilghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet